Швецияда 2013 йилдан бери Россия фойдасига жосуслик қилганликда гумонланиб икки киши ҳибсга олинди. Бу ҳақда маҳаллий Dagens Nyheter нашри хабар берди.
Ҳибсга олинганлардан бири «Швецияга ва хорижий давлатга қарши разведка фаолиятида», иккинчиси эса унга ёрдам беришда гумон қилинмоқда. Швеция Давлат хавфсизлик хизмати гумонланувчилар ҳақидаги маълумотларни ошкор қилишдан бош тортди. Узоқ вақтдан бери дастлабки тергов ҳаракатлари олиб борилаётгани қўшимча қилинди.
Aftonbladet газетасининг ёзишича, ҳибсга олинганлар 1990 йиллар охирида Швецияга кўчиб келган россиялик муҳожир турмуш ўртоқлардир. Улар 22 ноябрь куни эрталаб Миллий тезкор гуруҳ аъзолари томонидан ҳибсга олинган, операция давомида иккита Blackhawk вертолётидан фойдаланилган. Эр-хотин импорт-экспорт бизнеси, жумладан электрон компонентлар ва саноат технологиялари билан шуғулланган. Эркак компаниядан ноқонуний разведка фаолияти учун база сифатида фойдаланганликда гумон қилинмоқда.
Мавзуга доир:
- Швецияда икки эркак Россия фойдасига жосуслик қилишда айбланди
- Лондонда Россия фойдасига жосусликда гумонланаётган эркак ҳибсга олинди
- Нидерландия ва Бельгия жосусликда гумон қилинган 38 нафар россиялик дипломатларнинг мамлакатлар ҳудудидан чиқариб юборилаётганини хабар қилди
- Германияда россиялик олим жосусликда айбланмоқда
Изоҳ (0)