Бутун дунёга машҳур ролга эга бўлиш тинимсиз кастингларга борадиган ҳар қандай актёрнинг эзгу орзусидир. Бироқ агар кимнингдир кастингда омади келган бўлса, тақдирнинг бошқалар учун ўзига хос режалари бор.
Харрисон Форд — «Юлдузлар жанги»
Харрисон Форд актёрлик қобилияти учун эмас, дурадгорлиги туфайли фильмда рол ўйнашга муваффақ бўлади. Хан Соло ролининг бўлажак ижрочисига Жорж Лукаснинг офисида кичик таъмирлаш ишларини олиб бораётганида «Юлдузлар жанги»да ўйнаш таклиф қилинади. Форднинг сўзларига кўра, актёр режиссёрга тўғри танлов қилишга ёрдам беряпман, деб ўйлаган, чунки бу рол учун яна 5 та муносиб даъвогар бор эди.
Жонни Депп — «Кўчадаги даҳшат»
Жонни Депп ўзининг биринчи ролини «Кўчадаги даҳшат» фильми режиссёрининг қизи туфайли олишга муваффақ бўлади. Сўнгги қарордан олдин Уэс Крейвен қизини потенциал актёрлар фотосуратларини кўришга таклиф қилади. Қиз ҳеч иккиланмасдан Жоннининг суратини кўрсатади.
Жонни Деппнинг ўзи танловда умуман қатнашмоқчи эмас эди: бўлажак Жек Читтак кастингга фақат дўстини қўллаб-қувватлаш учун келганди.
Чарли Ханнем — «Бейкер-гроув»
Чарли Ханнем пойабзал дўконидан чиққан нотаниш аёлга ҳаводан бўса юборади, аслида эса ўша аёл фильм продюсери эди. Хоним ёқимли имо-ишорани қадрлайди ва Ханнемнинг эътиборига жавобан уни култ сериал кастингига таклиф қилади.
Том Харди — «Жангчи»
Том Харди «Жангчи» фильмидаги орзу қилинган рол кастингида қатнашиш ўрнига тўғридан-тўғри кастинг директорининг уйига бориб, у билан 5 кун яшайди. Шу йўл билан Том Харди катта фильмга омад калитини қўлга киритади.
Самюэль Л. Жексон — «Жиноий асар»
Самюэль Л. Жексон «Жиноий асар» фильмидаги ажойиб ролни кастингга келганида кайфияти ёмон бўлгани учун ҳам қўлга киритади. Бир кун олдин актёрни Лоренс Фишберн билан адаштиришгани ёқмайди, шу ҳол янги кастингда ҳам такрорланганда Жексон ғазабланади. Яхшиямки, фильм продюсерларига Самюэлнинг жаҳли чиққандаги юз ифодаси ёқади ва унга ролни таклиф қилишади.
Розарио Доусон — «Болалар»
Розарио Доусон бир кунда машҳур бўлиб уйғониши учун уйидан ташқарига чиқишга ҳам ҳожат қолмайди. Қиз 15 ёшдалигида ўтириш учун уйининг айвонига чиқади, ўша пайтда уни яқин атрофда юрган сценарий муаллифи ва фотосуратчи пайқаб қолади. Розарионинг биринчи роли шов-шувли бўлади, айнан шу рол интилувчан актриса учун актёрлик карьерасига трамплин бўлади.
Мел Гибсон — «Телба Макс»
Австралиялик актёр Мел Гибсон «Телба Макс» фильмида рол ўянганида Голливуд тажрибасига эга эмас эди. Бироқ режиссёр актёрга ўйлаб ҳам ўтирмасдан рол таклиф қилади: бир кун аввал маҳаллий кафедаги муштлашув туфайли Гибсоннинг юзи кўкарган эди, режиссёр уни мукаммал ёвуз қаҳрамон сифатида кўради.
Шарлиз Терон — «Маккажўхори болалари-3»
Шарлиз Терон ўзининг биринчи ролини банкда чекни нақд қилишдан бош тортган кассир билан тортишиши туфайли олади. «Агар мен ўша чекни нақд қилмаганимда, тунда ухлайдиган жойим бўлмасди. Ва кейин мен кассирга ёлворишни бошладим». Яхшиямки, навбатда турган кино агенти эмоционал малласоч аёлни пайқаб қолади ва унга ўзини кинода синаб кўришни таклиф қилади.
Мавзуга доир:
Изоҳ (0)