«Тор» фильми юлдузи Крис Хемсвортда Альцгеймер касаллигига чалиниш эҳтимоли борлиги аниқланди. Австралиялик актёр бу ҳақда Даррен Аронофскийнинг «Чексиз» ҳужжатли сериали суратга олиш жараёнларида билди.
Vanity Fair маълумотларига кўра, Хемсвортнинг ДНКсида Альцгеймер касаллигининг ривожланиш хавфи билан боғлиқ бўлган APOE4 генининг иккита нусхаси мавжуд. Яқинда актёрнинг бобосига ҳам худди шундай ташхис қўйилган эди. Криснинг касалликка чалиниш эҳтимоли саккиздан ўн бараварга ошди.
«Мен нафақага чиқмайман. Бу касаллик мени озгина дам олишга ундади. Уйга кетяпман, у ерда бўш вақтим кўп бўлади, мен ҳамма нарсани соддалаштираман. Фарзандларим ва рафиқам билан вақт ўтказаман», — дейди Хемсворт.
У, шунингдек, National Geographic каналида «Чексиз» фильмини чиқараётган Disney дастлаб Альцгеймер касаллигига ҳаволани охирги қисмдан олиб ташламоқчи бўлганини маълум қилди. Хемсворт интервьюда суратга олиш жараёнларини тўхтатишини ҳам таъкидлади:
«Агар бу одамларни ўзларига яхшироқ ғамхўрлик қилишга ундаса, ажойиб бўлар эди. Мен шунчаки ҳамдардлик ёки ўйин-кулги учун, сохта ҳийла қилмаслик учун касалликни манипуляция қилишни ва драмалаштиришни хоҳламадим», — дейди актёр.
Мавзуга доир: Marvel «Аквамен»и: Крис Хемсворт сув остида акулалар билан бирга сузди (видео).
Изоҳ (0)