«Катта еттилик» (G7) мамлакатлари БМТ Хавфсизлик кенгашини КХДР томонидан амалга оширилган сўнгги қитъалараро баллистик ракета синовига жавобан «қатъий чоралар» кўришга чақирди. Бу ҳақда Европа ташқи алоқалар хизмати сайтида хабар берилди.
G7 мамлакатлари ташқи ишлар вазирлари қайд этишича, Пхеньян томонидан АҚШнинг қитъа қисмигача етиб боришга қодир баллистик ракета учирилиши «ўйламай қилинган ҳаракат» бўлган ва БМТ резолюциясининг «яна бир марта қўпол бузилишидир».
«Шимолий Корея томонидан 2022 йилда амалга оширилган кетма-кет баллистик ракеталар синовлари минтақавий ва халқаро тинчлик ва хавфсизликка нисбатан жиддий хавф солади», — дейилади баёнотда.
Хавфсизлик кенгаши ракета синовларининг сўнгги кетма-кетлигидан кейин АҚШ сўрови билан 21 ноябрь куни мажлис ўтказиб, КХДР сиёсатини муҳокама қилиши кутилмоқда.
18 ноябрь куни Шимолий Корея Hwasong қитъалараро баллистик ракетасини учирди, у бир нечта жанговар каллакларни ташишга қодир бўлиб, 15 километргача масофадаги нишонларни ура олади, бу эса АҚШнинг қитъа қисмидаги исталган нуқтага зарба бериш учун етарлидир.
Изоҳ (0)