Қалин киприкларга эришиш учун салон ёки визажистга мурожаат қилиш шарт эмас. Бу борада оддий тушлар ҳам қўл келади. The Voice Mag нашри киприкларни қалин ва узун кўрсатишга ёрдам берадиган лайфхаклар билан бўлишди.
Фен билан дўстлашинг
Киприк қайирувчи воситани ишлатишдан олдин уни фен билан озгина қиздириш натижани анча яхшилайди. Лекин эҳтиёт бўлиш керак, ҳарорат ўта иссиқ эмас, балки ўртача бўлиши лозим. Акс ҳолда беихтиёр киприкларга шикаст етиши мумкин.
Тушни иссиқ сувга ботиринг
Туш одатдагидан яхшироқ суртилиши учун уни қўллашдан 10 дақиқа олдин идишни бир стакан иссиқ сувга ботириш тавсия этилади. Ушбу лайфхак тушнинг хусусиятларини фаоллаштиришга ёрдам беради ва уни янада самаралироқ қилади.
Киприкни тиш чўткаси билан таранг
Киприкларга туш қўллангандан кейин уларни яна оддий тиш чўткаси билан тараш лозим. Туш тўлиқ қуруқ бўлгунга қадар ушбу жараён амалга оширилиши муҳимдир. Шунда бир вақтнинг ўзида 3 та муҳим вазифа бажарилади: киприклар бир-бирига ёпишиб қолмайди, кўтарилади ва чиройли тарзда узунлашади.
Киприкларни упалаш
Киприкларни туш билан бўяшдан олдин уларнинг устидан упа сепиш керак. Ушбу усул киприкларни янада қалин кўринишига ёрдам беради. Бундай лайфхакдан кейин киприклар бир-бирига ёпишиб кетмайди ва табиий кўриниш ҳосил қилади.
Изоҳ (0)