Тошкент шаҳрининг Яшнобод тумани Илтифот кўчасидаги қурилиш объектида 16 туп қимматбаҳо дарахт таг қисмидан кесиб ташлангани хабар қилинганди. Депутат Расул Кушербаев қурилиш компаниясидан етказилган зарар ундирилганини маълум қилди.
Унинг билдиришича, Тошкент шаҳар прокуратураси ташаббуси билан Яшнобод тумани, Илтифот кўчаси 29-уй манзилида 105 та дарахтни ноқонуний кесиб ташлаган «Янги замон бино» МЧЖдан етказилган зарар ҳамда молиявий жарима сифатида ҳисобланган жами 3 миллиард 514 миллион 200 минг сўм миқдоридаги маблағ нақд пул шаклида ундирилди.
Фото: Telegram / Расул Кушербаев
Шу билан бирга, тадбиркор 10 йиллик дарахтларни олиб келиб экаётгани, ободончилик бўйича ишларни олиб бораётгани, катта кўча бўйлаб ҳам 200 дан зиёд кўп йиллик дарахтларни экиш ишлари олиб борилаётгани маълум қилинган.
Изоҳ (0)