Франция пойтахти Париж шаҳрида 18–19 ноябрь кунлари ўтказилган Ўзбекистон—Франция бизнес форуми доирасида Airbus компанияси вице-президенти Вутер Ван Верш Ўзбекистондаги бизнес қандай бошлангани, мамлакатдаги сармоявий муҳитга муносабати ва бошқа жиҳатлар ҳақида фикр билдирди.
Ўзбекистон — фантастик мамлакат. Шу йилнинг апрель ойида у ерга бордим. Бу Airbus учун катта воқеа бўлди. Бизни яхши кутиб олишди, жуда яқин тутишди ўзларига. Ва, албатта, биз яна ҳам кўпроқ сармоя киритмоқчимиз.
Октябрь ойида Ўзбекистон Мудофаа вазирлигига 40 та вертолёт етказиб бердик. Ва биз ҳозирда секин-асталик билан Uzbekistan Airways’га Airbus А320нео самолётларини етказиб бермоқдамиз. Шунингдек, коинот борасида ҳам ҳамкорлик қиляпмиз. Биз ер майдонларини таҳлил қиладиган бир қанча технологиялар ишлаб чиқдик ва Ўзбекистон бундан агрокултурани ривожлантиришда фойдаланяпти. Айтишим мумкинки, хилма-хил лойиҳалар давом этяпти. Келажак учун жуда кўп имкониятлар бор, — дейди у.Компания вице-президенти, шунингдек, Ўзбекистондаги инвестицион муҳит ҳақида ҳам фикр билдирди.
Шароитлар яхши. Биз компания сифатида маҳсулот етказиб беряпмиз. Лекин мен учун яна бир муҳим жиҳат таълим ва одамлар ҳисобланади. Сўнгги бор Ўзбекистонда борганимда Транспорт университетида бўлдим, катта нутқ қилдим. Билдимки, Ўзбекистонда жуда кўп иқтидорли ёшлар бор. Шундай экан, Airbus мамлакат билан ҳамкорликда давом этади. Инвестицион шароит ҳақидаги фикрларим ижобий. Мана, ҳозир икки томонлама учрашувлар бўляпти, кейинги ҳафтада президентингизнинг ташрифи кутилмоқда. Айтмоқчиманки, ҳамкорликни янада кенгайтиришга ажойиб имкониятимиз бор.
Ўзбекистон ва Франция ўртасидаги муносабатлар яхши. Турли маданий ва сиёсий алоқалар мавжуд. Шундай экан, Франция мамлакатингиз раҳбарини кутиб олишни жуда интиқлик билан кутмоқда, — дейди Вутер Ван Верш.Мавзуга доир: «Бизнесимизни янада кенгайтириш ниятидамиз» — Airbus авиакомпанияси вице-президенти Ўзбекистонга инвестиция киритиш ҳақида
Изоҳ (0)