Toshkent shahrining Yashnobod tumani Iltifot ko‘chasidagi qurilish obyektida 16 tup qimmatbaho daraxt tag qismidan kesib tashlangani xabar qilingandi. Deputat Rasul Kusherbayev qurilish kompaniyasidan yetkazilgan zarar undirilganini ma’lum qildi.
Uning bildirishicha, Toshkent shahar prokuraturasi tashabbusi bilan Yashnobod tumani, Iltifot ko‘chasi 29-uy manzilida 105 ta daraxtni noqonuniy kesib tashlagan “Yangi zamon bino” MCHJdan yetkazilgan zarar hamda moliyaviy jarima sifatida hisoblangan jami 3 milliard 514 million 200 ming so‘m miqdoridagi mablag‘ naqd pul shaklida undirildi.
Foto: Telegram / Rasul Kusherbayev
Shu bilan birga, tadbirkor 10 yillik daraxtlarni olib kelib ekayotgani, obodonchilik bo‘yicha ishlarni olib borayotgani, katta ko‘cha bo‘ylab ham 200 dan ziyod ko‘p yillik daraxtlarni ekish ishlari olib borilayotgani ma’lum qilingan.
Izoh (0)