Томошабинлар қалбидан жой олган «Маликанинг кундалиги» фильмининг давоми устида фаол иш олиб борилмоқда, бу ремейк эмас, Миа Термополиснинг янги саргузаштлари ҳақида ҳикоя қилувчи фильмнинг давоми бўлади, деб хабар бермоқда Harper’s Bazaar нашри.
«Маликанинг кундалиги»да бош ролни ижро этган актриса Энн Хетеуэйнинг лойиҳада суратга тушиши ёки бу ролни рад этиши ҳақида маълумот берилмаган. Актриса олдинроқ фильмнинг давомий қисми суратга олинишини тўлиқ қўллаб-қувватлашини айтган бўлса ҳам, ҳозиргача тегишли шартномани имзоламаган.
Шунингдек, 87 ёшли актриса Жули Эндрюс «Маликанинг кундалиги 3» лойиҳасига қайтишга рози бўладими ёки йўқми, бу ҳам номаълум. Бироқ айрим маълумотларига кўра, Хетеуэйнинг лойиҳа директорларига розилик билдириши машҳур фильмнинг суратга олиниши қарорига ҳам таъсир қилиши мумкин.
Мавзуга доир: «Қаттиққўл хоним» фильми қаҳрамонлари 16 йилдан кейин: машҳур картина юлдузлари қанчалик ўзгарган?
Изоҳ (0)