Фото: Илк бор Ўзбекистоннинг бой меросига бағишланган кўргазмага мезбонлик қилувчи Лувр нафаси
Илк бор Ўзбекистоннинг бой меросига бағишланган «Ўзбекистон воҳалари хазиналари. Карвон йўллари чорраҳасида» кўргазмаси 23 ноябрь куни Франция пойтахти Парижда очилади.
Фото: «Дарё» / Мадина Нурман
Ушбу лойиҳага сўнгги бир неча йил давомида Ўзбекистон Вазирлар Маҳкамаси ҳузуридаги Маданият ва санъатни ривожлантириш жамғармасининг жамоаси томонидан Лувр музейи куратори Янник Линц, илмий куратор Рокко Ранте ҳамда лойиҳанинг илмий маслаҳатчиси Шокир Пидаев билан ҳамкорликда пухта тайёргарлик кўрилган. Унда ҳозирги Ўзбекистоннинг жанубий ҳудудидан ўтган Буюк Ипак йўли ҳақида ҳикоя қилиниб, унда қарийб икки минг йиллик даврни қамраб олувчи 169 та экспонат, жумладан, Ўзбекистоннинг 16 та музейидан 138 дона осори-атиқа, шунингдек, дунёнинг етакчи музейларидан 31 та музей ашёси намойиш этилади.
Мазкур кўргазма Ўзбекистон ва Франция ўртасидаги маданиятлараро ҳамкорлик борасида тарихий аҳамиятга эга бўлиб, халқаро санъат ихлосмандларига минтақанинг бой маданиятини намойиш этади.
Айни вақтда Парижда бўлиб турган «Дарё» фотомухбири Мадина Нурман Лувр атрофидаги бугунги муҳит, ташриф буюрувчиларнинг унга эътибори акс этган суратларни кадрларга муҳрлади.
Изоҳ (0)