Бипаша Басу: 43 ёшида она бўлган Болливуд актрисасининг ҳаёти ва кинодаги фаолияти ҳақида (фото)

Болливуд юлдузи Бипаша Басу 1996 йилда Супермодель танловида ғолибликни қўлга киритиб, дунё бўйлаб машҳурликка эришди. Актриса моделлик оламидан бир қадам нарида бўлган Болливудга қадам қўяди. Кино оламдаги дастлабки 10 йил Бипаша учун жуда қизиқарли воқеалар рўй берди. У карьераси ва шахсий ҳаётидаги келишмовчиликлар туфайли доимий равишда оммавий ахборот воситаларда муҳокамаларга сабаб бўлди.

Бипаша Басу 1979 йилнинг 7 январь санасида бенгал оиласида туғилган. Унинг отаси қурилиш муҳандиси, онаси эса уй бекаси бўлган. Бипаша оилада ўртанча фарзанд бўлган: унинг катта опаси актриса туғилганда вояга етган эди, кейинроқ эса унинг синглиси Вижаета туғилган.

Бипаша узоқ вақт давомида шифокор бўлишни хоҳлади, бироқ кейинчалик қонни кўриши билан ҳушидан кетишини тушуниб бухгалтерлик касбини танлайди. Бироқ Бипашанинг тақдирига ҳисобчи бўлиш ҳам насиб қилмаган эди. Актрисанинг ҳаёти Калкутта меҳмонхонасида модель Меҳр Жессиа билан тасодифий учрашувдан кейин бутунлай ўзгариб кетади.

Моделлик танловида ғолиб бўлган 17 ёшли Бипашага Болливуддан таклифлар туша бошлайди, бироқ у лойиҳаларни рад этади. Бипашага дебют таклиф қилган биринчи киши актёр Винод Ханна эди. У фақат танловда ҳакамлик қилган ва ғолибдан хурсанд бўлган. Ўша пайтда режиссёр ўғли Акшай Ханнани 1997 йилда суратга олинган «Жангчи Ҳимолай» лойиҳасида олиб чиқишни режалаштирган эди, бироқ Бипаша актёрлик карьерасига қизиқмасди. У бундай босимга дош беришга ҳали жуда ёш эканини ҳис қилди.

У чет элга бориб, Нью-Йорк ва Парижда бир йил ишлади, у Ҳиндистонда шон-шуҳрат ва маблағга эга бўлиш, ватандан узоқда пул ишлашдан кўра яхшироқ деган қарорга келди. Бу вақтдан кейин Абҳишек Баччан актрисага ўғли Жай Баччан билан дебют фильмни таклиф қилди. Режиссёр Жей Дутта тарихий драма яратмоқчи эди ва Бипаша қора танли қишлоқ гўзалининг ролига жуда мос эди.

Бироқ кейинчалик улар фильм ҳақидаги фикрларини ўзгартирди. Сценарий, қаҳрамонлар ўзгарди ва фильм «Рад этилган» деб номланди. Ундаги ёш сюжетга мос келмади ва рол актриса Карина Капурга берилди. Басу ноанъанавий тарзда дебют қилишни танлади. Унинг биринчи роли 2001 йилги детектив триллерда Акшай Кумарга қарши бўлган «Бегона айёр» фильмидаги роли бўлган. Фильм ўртача муваффақиятга эришди, бироқ Бипаша томошабинларнинг эътиборини тортди.

Бипашанинг иккинчи фильми — «Сир»нинг улкан муваффақияти актрисани ҳар бир режиссёр орзу қиладиган актрисалар рўйхатида биринчи ўринга қўйди. «Сир» фильмларни фақат юлдузлар сотиши мумкинлиги ҳақидаги ёлғонни барбод қилди. У ўша пайтдаги йигити Дино Мореа билан бир фильмда суратга тушди ва бир йилдан сўнг Жон Абраҳам яна бир таъсирчан триллер — «Истакнинг қоронғи томони» лойиҳасида рол ўйнади, жуфтлик лойиҳадан кейин 10 йил давомида актёр билан муносабатда бўлди.

Бипаша интервьюларининг бирида исми ҳақида маълумот берди ва унинг бенгал тилида «Бипаша» чуқур, қоронғи истакни маъносини англатишини айтди. Актриса кино оламдаги фаолиятини бошлагандан кўплаб мувафақиятсизликларга дуч келди. Унинг фильмлари: «Айбдорлик», «Ишонч», «Муқаддас тумор», «Қон сеҳри» каби лойиҳалари бирин-кетин кассада мувафаққиятсизликка учрай бошлади.

Бипашанинг карьераси мувафаққиятли бошланганидан кейин тўсатдан пастлаб бошлаганини ҳеч ким тушуна олмади. Баъзи таҳлилчиларнинг айтишича, Бипашада «одатий» қаҳрамон қиёфаси йўқ, шунинг учун у юқори даражага чиқа олмади. Бошқа мухлислар эса актрисанинг шахсий ҳаёти унинг карьерасига халақит берганини айтган. Актрисанинг «Шафқатсиз доира» юлдузи Рана Даггубати билан ишқий муносабати ҳақидаги яна бир миш-мишдан сўнг, Бипаша ва Жон ажрашди.

Актриса «Ёлғиз» фильмининг суратга олиш жараёнида партнёри Каран Сингх Гровер билан ишқий муносабатда бўлган. Кейинчалик ҳеч ким бу миш-мишларга ишонмади, чунки Каран нафақат Бипашадан ёш, шу билан бирга оила қурган эди. Бироқ актёр кутилмаганда рафиқаси билан ажрашди ва орадан вақт ўтиб Бипашага уйланди. Бу Караннинг учинчи, Бипашанинг эса биринчи никоҳи эди.

Ёзда 43 ёшли актриса биринчи она бўлишини маълум қилди ва 2022 йилнинг 12 ноябрда у Деви исмли қизалоқни дунёга келтирди. Бипаша 40 ёшдан кейин ўз қоматини бузмасликни ва суррогат она орқали фарзанд кўришни афзал кўрган актрисаларга қараганда бошқача фикр юритади. У ҳозирда фильмларда рол ўйнамайди, бироқ 2020 йилда янги мини-сериалда суратга тушди ва у ерда турмуш ўртоғи билан бир рол ижро этди.

Мавзуга доир: Болливуд юлдузи Бипаша Басу 43 ёшида илк марта она бўлди.