Россия ташқи ишлар вазири Сергей Лавров БМТ бош котиби Антониу Гутерриш билан учрашуви чоғида БМТ Украинадаги можарони ҳал қилиш масаласида мувозанатли ва холис чизиққа амал қилиши кераклигини таъкидлади, деб хабар қилади «РИА Новости».
«Сергей Лавров БМТ котибияти БМТ низомининг 100-моддасига мувофиқ, ўткир глобал муаммолар бўйича, биринчи навбатда, ҳар қандай давлатдан кўрсатмалар олишга йўл қўйилмаслиги тўғрисида мутаносиб ва холис йўналишга аниқ амал қилиши зарурлигини таъкидлади. Хусусан, Украина ва унинг атрофидаги вазият борасида», — дейилади Россия Ташқи ишлар вазирлиги хабарида.
Вазирликнинг таъкидлашича, холис ва мувозанатли чизиқ «можароли вазиятларни узоқ муддатга ҳал этишга эришиш ва халқаро тинчлик ҳамда хавфсизликни таъминлашга ёрдам беради».
Аввалроқ Ҳиндистон бош вазири Нарендра Моди Индонезияда бўлиб ўтаётган G20 саммити доирасидаги нутқида «БМТ дунёдаги алғов-далғовликни эплай олмагани» ҳақида айтиб ўтган эди.
Изоҳ (0)