“Oxirgi avlod” tashkilotining ekologiya faollari Gustav Klimtning Venadagi Leopold muzeyida namoyish etilgan “O‘lim va hayot” kartinasiga qora suyuqlik to‘kdi, deb xabar qiladi “RIA Novosti”.
Faollardan biri rasmga yopishib olgani aks etgan suratlar va videolar ijtimoiy tarmoqlarni to‘ldirdi.
Kartinaning ramkasi, pol va devor shikastlangan. Madaniyat muassasasi direktorining so‘zlariga ko‘ra, rasmning o‘ziga zarar yetmagan. Voqea joyiga politsiya yetib kelgan.
So‘nggi paytlarda san’at obyektlari ekofaollar tomonidan tobora ko‘proq hujumga uchramoqda. Ushbu vandalizm to‘lqini Britaniya hukumatini qazib olinadigan yoqilg‘idan foydalanish, ishlab chiqish va qazib olish uchun barcha litsenziyalarni bekor qilish va ularni endi bermaslik uchun bosim o‘tkazmoqchi bo'lgan Just Stop Oil guruhi tomonidan boshlangan.
11-noyabr kuni 92 ta taniqli muzeylar, jumladan Luvr (Parij) va Prado (Madrid) rahbarlari ekofaollarning san’at asarlariga hujumlari to‘lqini munosabati bilan ochiq xat bilan chiqqan.
Mavzuga doir:
Izoh (0)