Энергия нархлари оқибати: Буюк Британияда инфляция 41 йиллик энг юқори даражага кўтарилди

Буюк Британияда истеъмол нархлари индекси йиллик кўрсаткичда 11,1 фоизга ўсди. Бу ҳақда Bloomberg хабар бермоқда. 

Мазкур кўрсаткич сўнгги 41 йилдаги энг юқориси бўлиб ва октябрь ойида инфляцияни 10,9 фоиз даражасида кутган Буюк Британия Марказий банки прогнозларидан юқоридир. 

Электр энергияси нархларининг юқорилаши инфляциянинг июль ойида ўрнатилган аввалги рекорддан ошиб кетишига сабаб бўлди. Октябрь ойида газ нархи деярли 36,9 фоизга, электр энергияси эса 16,9 фоизга ошган.

Иқтисодчиларнинг қайд этишича, Буюк Британияда иш ҳақи ўсиши шу пайтгача нархлар ўсишидан орқада қолган, бу эса турмуш даражасининг пасайишига олиб келган. 

Кам таъминланган уй хўжаликлари учун инфляция даражаси 11,9 фоизни ташкил этди. Бадавлат оилаларда эса бу кўрсаткич 10,5 фоиз бўлган.

Аввалроқ Буюк Британияда юқори инфляция туфайли минглаб дорихоналар ёпилиши мумкинлиги ҳақида хабар берилган эди.