Ижтимоий тармоқларда Veolia Energy Tashkent компанияси Давлат-хусусий шерикчилик тўғрисидаги битим доирасида давлат ҳамкорлари билан ёзишмаларда абонентларнинг шахсий маълумотларини сўрагани ҳақида хабар тарқалди. Компания ахборот хизмати ҳолатга муносабат билдирди.
Қайд этилишича, Veolia Energy Tashkent фуқароларнинг шахсий маълумотларидан бошқа мақсадларда фойдаланмайди ва фойдаланмоқчи ҳам эмас.
«Ўзбекистон Республикасининг шахсга доир маълумотларни ҳимоя қилиш соҳасидаги қонунчилик талабларини бузмаймиз», — дейилади хабарда.
Маълумот учун, Veolia Energy Tashkent Ўзбекистондаги 134 та табиий монополиялардан бири ҳисобланади. Аслида французларга тегишли бўлган компания 2022 йилнинг 1 июлидан бошлаб шериклик асосида Тошкент шаҳри аҳолисини иссиқ сув билан таъминлаб келмоқда.
Изоҳ (0)