Marvelнинг «Қора пантера: абадий Ваканда» фильми бутун дунё бўйлаб прокатнинг биринчи ҳафтасидаёқ 330 миллион доллар тўплашга муваффақ бўлди. Даромаднинг 180 миллион доллари Шимолий Америкадан, 155 миллион доллари эса халқаро ҳудудлардан тушган, деб ёзади «Фильм.ru».
Шунингдек, мазкур картина 2013 йилдаги «Ҳаёт мамот ўйинлари-2»ни (158 миллион доллар) ортда қолдириб, 2022 йил ноябрь ойидаги касса рекордини ўрнатди. Фильм 2022 йилнинг энг кўп даромад келтирган дебюти бўлиб, фақатгина «Доктор Стренж: телбалик мултидунёсида» картинасидан (185 миллион доллар) кейинги ўринни эгаллади.
Блокбастер сиквели қирол ТъЧалла (Чедвик Боузмен) вафотидан кейинги Ваканда ҳақида ҳикоя қилади. Қироллик таҳдидлар остида қолади, бунинг натижасида ТъЧалланинг синглиси Шури (Летиша Райт) Қора Пантера қиёфасига кириб, кучлар мувозанатини тиклаши керак бўлади. Фильмга Райан Куглер яна бир бор режиссёрлик қилди. Фильмда Анжела Бассетт, Лупита Нионго, Теноч Уэрта, Мартин Фриман ва бошқалар иштирок этган.
Биринчи «Пантера» 2018 йилда чиққан ва 404 миллион доллар даромад ишлаб топган. Бош ролни ижро этган Боузмен 2020 йилнинг ёзида саратон касаллигидан вафот этган.
Изоҳ (0)