«Дарё» нашрининг YouTube’даги каналида ижтимоий тармоқларда машҳурликка эришган хонанда Осман Наврўзов билан суҳбат ташкил қилинди. Хонанда Осман Наврўзов юлдузлик касалига чалинишидан қўрқиши, мусофир бўлишига санъат сабаб бўлгани, Россия бир неча марта бориб омади келмагани, дадаси у учун 10 йил ишлагани, ижодини туркман тилидан бошлагани, «Любимая» таронасининг ғоясини 50 долларга сотиб олгани, клипини эса 5000 долларга олгани ҳақида гапириб берди.
Юлдузлик касалига чалинишдан қўрқиши ҳақида
Кўп марта юлдуз бўлганимни айтишган. Мен эса энг биринчи навбатда юлдузлик касалига чалинишдан қўрқаман. Масалан, кўчага чиқсам бошимга нимадир кийиб олишим кераклигини айтишади. Мен эса шу халқнинг ичидан чиқиб, улар орқали танилган бўлсам, нима сабабдан бундай қилишим керак, дейман. Тошкентгами, Хоразмгами ёки Қорақалпоғистонга борсам ҳам, бемалол айланиб юрававераман. Бу менга ёқмайди, — дейди хонанда.
«Мактабни тугатиб, паспортимни олишим билан Россияга ишлашга кетганман»
Москавага кетишимга санъат сабаб бўлган. Мен кичкиналигимдан санъатга қизиққанман, мактабга пайтида ҳам қўшиқ айттиришганда биринчи ўзим доскага чиқар эдим. Мен 1991 йилда туғилганман, 120 та ўқувчи бўлса ҳаммадан олдин югуриб чиқар эдим. Кичкиналигимда лаганни уриб ўтирганман, билмасам ҳам у ёки бу хонанданинг қўшиқларини айтиб юрар эдим.
Кейин отам мени шифокор қиламан деб академик лицейга ўқишга берган. Ҳаттоки бориб ҳужжатларимни ва дипломимни олмаганман. Фақат санъатга қизиққанман. Мактабни тугатиб, паспортимни олишим билан Россияга ишлашга кетганман, — дейди Осман Наврўзов.
«Отам мен учун Россияда 10 йил ишлади»
Биринчи борганимда ишларим унча юришмади, рус тилини билмас эдим, унча ўхшамади. Уйга бориб келиб, яна кетдим. Россияда қурилишда ишлаганман, усталарнинг олдига бориб барчасини ўргандим. Озгина пул йиғиб келдим, яна бўлмади. Кўпчиликнинг қўшиқларимни олиб айтавердим, ўхшамади, яна Россияга кетдим.
Отам мен учун Россияда 10 йил ишлади. Топганини менга сарфлади, йиқилсанг ҳам олдинга йиқил, деди. Охирги марта 2014 йилда Россияга кетди. Отамнинг ишлари яхши бўлган, у пайт машинам ҳам йўқ эди. Уйим билан студиянинг ораси 60-70 километр чиқар эди, шунга олти-еттита машинага миниб борар эдим. Уйдан чиқаман, 10 километр тўхтаб, яна бошқа машинага минаман. Тинмасдан ишладим.
Миллатим туркман бўлгандан кейин ижодимни туркман тили билан бошлаганман. Вақт ўтиб 2014 йилда «Гелсин ёрим» номли туркманча ашулам чиқди. Шундан кейин ўзимизнинг туркманлар орасида яхши танилдим, тинмасдан ҳаракат қилдим. Хит қўшиқларимнинг устида ишлаган акамга ўзбек санъатига ўтмоқчилигимни айтдим. Туркманларда тўй мавсуми бошланиб, вақт ўтиб 20 кун тўй бўлмаслиги ҳам мумкин. Масалан, Ўзбекистонда тўй хизматларига чиқиб пул топилади, концертлар ҳам пуллик бўляпти. Секин-секин чиқиб иккита ўзбекча ашулам чиқди, биттаси яхши кетди, биттаси кетмади, — дейди хонанда.
«Любимая» таронасининг ғоясини 50 долларга сотиб олгани, клип олишдаги қийинчиликлар ҳақида
Аввал тўй хизматларидаги нархимиз арзон бўлган, пул йўқ эди. Қийналиб юрар эдим, қўшиғимни эфирга беришга пул топсам, бошқасига пул топа олмас эдим. Кейин қарасам телефонимнинг орқасида 50 доллар пул турган экан, «Любимая»ни кўрсам эсимга тушади. Бу қўшиқни TikTok’да эшитиб қолдим, Пўлат Раҳмон деган бола бор эди, ғоя ўша инсонга тегишли. Шу қўшиқни менга бер, дедим. У 50 доллар берсам, қўшиқнинг ғоясини менга беришини айтди. Қараб туриб телефонимнинг орқасини очсам 50 доллар чиқди, мана деб унга бердим. Ҳайрон қолдим, худди бир жойдан келгандек бўлди. Қўшиқни сотиб олиб, бир марта куйладим, бироқ машҳур бўлмади. Олти ойдан кейин яна қайта куйладим.
Ўша пайтлар мен учун 2 000 доллар катта пул бўлган, чунки бир миллионга тўйга чиқар эдим. Битта тўйга олти соат хизмат қилар эдик. «Любимая»га клип олдик, охирида бир миллион пул етмаяпти. Клипни администраторим олган, бу гапни менга айтгандан кейин клип керак эмас деб айтдим. Тўйда турибман, хабар ёзади, телефон қилиади. Кейин мен ҳаммаси жонимга тегди, ўчир, ҳеч нарса керак эмас деб айтдим. У шунча иш битди, яна бир миллион пул керак деб айтди. Тошкентда ҳам танишим йўқ, энди келиб юрган пайтим эди. Клип чиққандан кейин, ‘просмотр’ зўр бўлди, айланди. Ҳозир ўйлаб бу ҳам бир яхшилик экан дейман.
Қўшиқларимни эфирга камроқ бераман, бундан кейин унга ҳам куч қаратяпман. Кичкиналигимда озгина бўлса ҳам танилишни ният қилган эдим. Кечалари йиғлар эдим, ҳеч ким билмаган. Тўйларга борганда акаларим билан колонкаларни тушираман. Ҳалигача эсимда, Хоразмдаги телеканалларининг бирида биринчи марта эфирга чиқишим керак эди, костюм-шим кийиб олганман. Сабаби ундан кейин тўйга боришим керак бўлган. Тўй кўчада бўлган, ёмғир, қор ёғиб турибди. Колонканинг кабеллари бир қарич лойнинг ичига кириб кетган. Тўй тугагандан кейин колонкаларни йиғиштириш керак бўлган, кабел совуқдан қотиб қолган, костюм-шимим ярмигача лой бўлган», — дейди Осман Наврўзов.
«Отам 2 000 доллар жўнатса, 100-200 долларини уйга бериб, қолганини ижодга сарфлаганман»
Отам мен сенга ишонаман, ҳали ҳаммасини уддалайсан, деб айтган. Саҳнага чиқиш учун ҳам моддий томонлама қўллаб-қувватлаш бўлмаса қийин. Инсонни ўзида ҳаракат бўлмаса ундан ҳам қийин. Отам охирги марта Москвага кетганида ‘сени машҳур қиламан’ деб кетган, шу билан уч ярим йилдан кейин келган. У пайт уйланмаган эдим, кейин отам 2 000 доллар жўнатса, 100-200 долларини уйга бериб, қолганини ижодга сарфлаганман.
Қўшиқларимнинг биттаси машҳур бўлса, биттаси кетмас эди, ўшанда ҳам тушкунликка тушмаганман. Отам ёрдам беради деганман, кейин Москвага кетаман деб қолсалар, йўқ кетмайсиз, сиз кетсангиз, ишлаётган пулларим ҳам кетиб қолади, дейман. Ўзим ҳам ўрганиб қолганман, хизматга бориб келиб пулини дарров отам билан онамга бераман. Менда ҳомий бўлмаган, чўнтагимни тўлдириб пул топмаганман. Уйда ёлғиз ўғилман, мендан кейин учта синглим бор. Отам асосий ҳомийим, — дейди хонанда.
Мавзуга доир:
- Жаноб Расул, Осман Наврўзов ва Жалолиддин Аҳмадалиев. Интернет юлдузларининг «бирров»и қанча?
- Украин, рус, қозоқ ва эроний — ўзга миллат вакили бўлса-да, соф ўзбек тилида ижод қилаётган машҳурлар (фото)
- «Жўжи қоро», «Акахонларим», «Эҳ, жўралар». Ҳаётдагидан кўра YouTube’да машҳур бўлган ўзбекистонлик санъаткорлар (видео)
Изоҳ (0)