Ўзбекистон 2022 йилнинг январь—сентябрь ойларида хориждан қиймати 25,9 млн долларга тенг бўлган 99,7 минг дона телевизор импорт қилган. Бу ҳақда Давлат статистика қўмитаси матбуот хизмати хабар бермоқда.
Телевизор импорти 2021 йилнинг мос даврига нисбатан солиштирилганда 13,6 мингтага камайган. Ўзбекистон 15 та давлатдан телевизор импорт қилган.
Тўққиз ой мобайнида энг кўп телевизор импорт қилинган давлатлар орасида Хитой етакчилик қилмоқда — 58,1 мингта. Бу борада 37,7 минг дона билан Россия иккинчи бўлган.
Ўзбекистон худди шу даврда хорижий давлатларга 135,9 мингта телевизор экспорт қилган. Шу тариқа мамлакатда телевизор экспорти унинг импортидан 36 мингтага кўп бўлган.
Ўзбекистонда ишлаб чиқарилган телевизорлар асосан Россия ва Озарбайжонга етказиб берилмоқда — мос равишда 73 мингта ва 40,5 мингта.
Изоҳ (0)