Газпромнинг собиқ немис тузилмаси SEFE компаниясини (собиқ номи: Gazprom Germania) қўллаб-қувватлаш учун Европа Комиссияси (ЙК) Германияга 225,6 миллион евро миқдорида молиявий ёрдамни маъқуллади. Бу ҳақда «Коммерсантъ» хабар бермоқда.
ЙК бу миқдор Германия ҳукуматига SEFE акцияларининг 100 фоизини сотиб олиш ва компанияни миллийлаштириш жараёнини якунлаш имконини беради, деб ҳисоблайди.
Ушбу чора Германия давлатига SEFE компаниясининг 100 фоиз эгаси бўлиш имконини беради. Россия давлат компанияси «Газпром Экспорт» компаниясини назорат пакети билан алмаштиради, — дейилади ЙК сайтидаги пресс-релизда.
Матнда аниқлик киритилишича, молиявий ёрдам ажратилиши Европа Иттифоқи фаолияти тўғрисидаги шартнома қоидаларига мос келади ва Европа Иттифоқидаги иқтисодий инқироз шароитида фавқулодда чора ҳисобланади.
Август ойида «Газпром»нинг Германиядаги собиқ шўъба корхонаси бошқарув директори компанияга Россиядан етказиб берилмаган газни алмаштириш учун 5 миллиард евро кераклигини маълум қилганди.
1 апрелдан бери «Газпром» немис тузилмасини назорат қилмади, шу сабабли Германия ҳукумати SEFE устидан ташқи назоратни жорий қилди.
Аввалроқ Россия омборларидаги газ захираси тарихий максимал даражага етгани ҳақида хабар берилган эди.
Изоҳ (0)