Афғонистон билан чегарадаги «Спин-Болдак—Чаман» назорат ўтказиш пункти яқинида содир бўлган отишма оқибатида Покистон Чегара қўшинидан бир аскар ҳалок бўлди, яна икки нафари яраланди. Бу ҳақда ҳукумат баёнотига асосланиб Гео News телеканали хабар бермоқда.
Покистон томони маълумотларига кўра, Афғонистон хавфсизлик кучлари назорат-ўтказиш пунктида навбатчилик қилаётган покистонлик чегарачиларга қарата ўт очган. Отишма чоғида Покистон чегара корпусининг бир аскари ҳалок бўлган, икки нафари яраланган. Афғонистонлик қурбонлар ҳақида маълумот йўқ.
Покистон расмийлари назорат-ўтказиш пункти ишини вақтинча тўхтатди ва Афғонистон ҳодиса учун жавобгарларни экстрадиция қилмагунча, уни қайта тиклашни режалаштирмаяпти. Шу билан бирга, Гео News хабарига кўра, Кобул Покистон чегарачиларига ҳужум «Толибон’ ниқоби остидаги номаълум террорчилар томонидан амалга оширилган» деган фикрда.
Ўтган йил давомида Покистон бир неча бор Афғонистонни чегара ҳудудларини ўққа тутганликда айблаган. Бунга жавобан Исломобод апрель ойида Афғонистоннинг Хост ва Кунар вилоятларига бир қатор авиаҳужумлар уюштирган ва оқибатда 50 га яқин одам ҳалок бўлган.
Изоҳ (0)