Херсон вилоятидан Россия қўшинлари олиб чиқиб кетилгандан сўнг, у ерда 400 дан ортиқ ҳарбий жиноятлар ҳужжатлаштирилди. Озод қилинган ҳудудларда Украина ҳуқуқ-тартибот идоралари ҳам тинч аҳоли, ҳам ҳарбийлар орасидан ўлдирилганларнинг жасадларини топмоқда. Бу ҳақда Украина президенти Владимир Зеленский маълум қилди.
Херсон вилоятида ҳам Россия армияси ўзидан ваҳшийликларни қолдирди. Биз ҳар бир қотилни топиб, жавобгарликка тортамиз, — деди Украина раҳбари урушнинг 263-куни якунлари бўйича видеомурожаатида.Зеленскийнинг сўзларига кўра, 100 мингдан ортиқ аҳоли истиқомат қиладиган вилоятнинг 226 та аҳоли пунктида тез орада қонун ва тартиб қайта ўрнатилади.
Биз алоқа, интернет, телевидениени қайтаряпмиз. Электр ва сув таъминотининг нормал техник имкониятларини имкон қадар тезроқ тиклаш учун ҳамма нарсани қиляпмиз. Транспорт алоқаси ва почтани қайта йўлга қўямиз. Тез ёрдам машинаси ва одатий тиббий хизматни қайтарамиз. Ҳокимият, полиция ва айрим хусусий компанияларнинг ишини тиклаш аллақачон бошланган, — деди у.Зеленский, шунингдек, Херсон вилояти аҳолисини ҳудуддаги миналар туфайли минтақадаги вазият хавфли бўлиб қолаётганидан огоҳлантирди. Унинг сўзларига кўра, миналардан тозалаш жараёнида бир нафар сапёр ҳалок бўлган, яна тўрт нафари жароҳатланган.
Изоҳ (0)