Об-ҳавонинг совиши иссиқ ва қулай пойабзал танлаш ҳақида ўйлашга арзийди. Танланган вариант ҳам иссиқ, ҳам чиройли, ҳам замонавий ва образ билан бирлашганини қандай аниқлаш мумкин? Оёқ кийимларни узоқ вақт кийиш, у билан чиройли тасвирни яратиш ва айни пайтда қулайликни ҳис қилиш учун уни танлашда хатолардан қочиш керак, деб ёзади Marie Claire.
Кийиб кўриш
Қишки пойабзалларни яхшилаб танлаш, диққат билан текшириш ва маҳсулот нархини аниқлаш керак. Сотиб олишдан олдин пойабзални кийиб кўриш лозим. Бу ортиқча пул сарфламасдан мукаммал пойабзал танлаш ва совуқдан ҳимояланишнинг ягона йўли.
Энг кенг тарқалган хатолардан бири пойабзални эрталаб кийиш ва сотиб олишдир. Тунда дам олгандан сўнг оёқ кичикроқ, кечқурун эса чарчаш, юриш ёки ўтириш натижасида бироз шишади. Кечқурун тонгда харид қилинган пойабзал нафақат ноқулайлик туғдириши, балки қийноқнинг ҳақиқий воситасига айланиши мумкин.
Тор оёқ кийимлар
Қишки этикларни кичик ўлчамдагисини сотиб олиш хатодир. Уларни вақт ўтиши билан кенгаяди, деб ўйлашади. Аммо бу содир бўлгунча совуқ ҳамда ноқулайлик қийнайди. Шунинг учун қишки оёқ кийимларни иложи борича мос келгани ёки бир ўлчам каттасини харид қилиш тавсия этилади. Чунки қишда улар қалин ҳамда иссиқ пайпоқлар билан кийилади.
Таглик
Оёқ кийимларини танлашда биринчи навбатда унинг ташқи кўринишига қаралади ва шундан кейингина тагликка эътибор берилади. Қишки пойабзалларда таглик силлиқ бўлмаслиги керак, бу қор ёғган ва музлаган вақтда хавфли. Идеал қишки пойабзалнинг таглигида махсус тишлаш бўлади ва бу музда ҳам сирғалиб кетишнинг олдини олади.
Пошна
Баланд пошналар, албатта, образга нафислик беради, у ташқаридан чиройли кўринади, лекин қишда жуда баланд пошна ноқулай бўлиб, у ҳам бир қанча жароҳатларга олиб келади. Доимий ҳаракатда бўладиганлар инсонлар пошнасиз этикларга устунлик бериши лозим.
Намликка чидамли
Барча қишки пойабзалларни, таърифига кўра, сув ўтказмайдиган, деб ўйлаш нотўғри. Афсуски, барча ишлаб чиқарувчилар ҳам пойабзалларнинг сув ўтказмаслиги ҳақида қайғурмайди. Натижада бу оёқларнинг музлашига ва касалликка чалинишга олиб келади. Шунинг учун қишки пойабзал сотиб олаётганда, табиий материал ва юқори сифатли тикув мавжудлигига эътибор бериш лозим.
Материал
Қишки пойабзал учун материалнинг қалинлиги катта аҳамиятга эга. Оёқ кийимлар учун ҳақиқий тери турли йўллар билан қайта ишланади, шунинг учун иссиқроқ бўлган қўпол терили этикларни танлаш лозим. Ҳақиқий терининг сунъий аналоглари иссиқлик ва ҳаво алмашинувини таъминлайди. Унда оёқлар терламайди ва совқотмайди. Шунинг учун қишда сунъий теридан тикилган пойабзалларни эътиборсиз қолдирмаслик керак.
Иссиқлик
Қишки пойабзал биринчи навбатда совуқдан ҳимоя қилиши керак. Энг яхши танлов — бу табиий мўйна, чунки мўйна иссиқликни мукаммал даражада ушлаб туради ва оёқларни нам ва музлашдан ҳимоя қилади, у жуда чидамли ва узоқ вақт хизмат қилади. Оёқларни совуқдан ҳимоя қилиш учун пойабзалнинг таглиги қалин бўлиши керак. Агар ички тагликлар олинадиган бўлса, этик янада қулайроқдир. Шунинг учун уни исталган вақтда олиб ташлаш ва қуритиш мумкин.
Ёрқин рангли этиклар
Ёрқин рангли этикларни ҳар куни кийиш қийин. Чунки улар кўзга яққол ташланади. Қолаверса, қор ва ёмғирли кунларда уларнинг ташқи кўринишига путур етиши ҳам мумкин. Шунинг учун ёрқин рангли этикларни байрам ёки зиёфатлар учун кийиш тавсия этилади.
Комбинациялар хатоси
Боғланадиган этиклар жуда замонавий кўринади. Лекин уларни кечки либослар билан кийиб бўлмайди. Қиш — бу байрам ва учрашувлар вақти. Кўпинча аёллар енгил ва нафис либосларга урғу беради. Улар билан узун ҳамда пошнали этиклар мос келади. Спорт услубидаги этикларни эса кундалик ишларга кийиш мумкин.
Изоҳ (0)