Аксарият аёллар пар курткалар иссиқ ва қулай бўлишига қарамай, танловда кўпроқ пальтоларга урғу беради. Аммо оддий пар курткалардан ҳам ҳар қандай жой учун мос бўлган образ яратиш мумкин. Marie Claire нашри бу борада бир неча тавсиялар билан бўлишди.
Тўғри, оқ рангли джинси шим совуқ об-аво учун мос келмаслиги мумкин. Аммо оқ, қаймоқ ёки кул ранг пар курткалар билан айнан оқ джинси шим ажойиб коминацияни ҳосил қилади. Аёллар ушбу образни жуда кам такрорлагани сабабли бироз хавотир бўлиши мумкин. Аммо джинси ҳамда пар куртка бир-бирини тўлдиради.
Чарм шимларни ҳам парт курткаларнинг навбатдаги ҳамроҳи дейиш мумкин. Ушбу образ нозиклиги ҳамда бетакрорлиги билан бошқаларидан ажралиб туради. Аммо эътибор қаратиш керак бўлган жиҳат шуки, чарм шимларнинг кенг бичимдагисини танлаш лозим. Пар курткалар учун ўта тор бичимдаги чарм шим умуман мос келмайди.
Пар курткалар джинси юбкалар билан ҳам ажойиб уйғунликни ҳосил қилади. Бу борада юбканинг узунлиги аҳамиятсиз. Масалан, миди джинси юбкалар ҳам қоматни янада гўзал, образни эса мукаммал кўрсатади. Муҳими, юбка ўта тор бўлмаслиги керак, чунки бу совуқ мавсумда бироз ноқулайликлар келтириб чиқаради.
Калта пар курткалар билан узун кўйлакларни бирлаштириш мумкин. Ушбу кўриниш ҳар қандай расмий ёки дўстлар давраси учун ҳам айни муддао. Фақатгина эътибор қаратиш керак бўлган жиҳат — пойабзалда. Мазкур образ учун этикларнинг узунини кийиш тавсия этилади.
Кундалик образ ёки спорт билан шуғулланувчилар эса пар курткаларни ҳамиша қулай бўлган леггинс ва кроссовка билан уйғунлаштириши мумкин. Қулай, енгил ҳамда иссиқ бўлган ушбу кўриниш ҳар қандай аёл учун ҳам тўғри келади. Ҳеч бўлмаганда, сайрга чиқиш учун ушбу комбинацияга муожаат қилиш мумкин.
Мавзуга доир:
Изоҳ (0)