Ob-havoning sovishi issiq va qulay poyabzal tanlash haqida o‘ylashga arziydi. Tanlangan variant ham issiq, ham chiroyli, ham zamonaviy va obraz bilan birlashganini qanday aniqlash mumkin? Oyoq kiyimlarni uzoq vaqt kiyish, u bilan chiroyli tasvirni yaratish va ayni paytda qulaylikni his qilish uchun uni tanlashda xatolardan qochish kerak, deb yozadi Marie Claire.
Kiyib ko‘rish
Qishki poyabzallarni yaxshilab tanlash, diqqat bilan tekshirish va mahsulot narxini aniqlash kerak. Sotib olishdan oldin poyabzalni kiyib ko‘rish lozim. Bu ortiqcha pul sarflamasdan mukammal poyabzal tanlash va sovuqdan himoyalanishning yagona yo‘li.
Eng keng tarqalgan xatolardan biri poyabzalni ertalab kiyish va sotib olishdir. Tunda dam olgandan so‘ng oyoq kichikroq, kechqurun esa charchash, yurish yoki o‘tirish natijasida biroz shishadi. Kechqurun tongda xarid qilingan poyabzal nafaqat noqulaylik tug‘dirishi, balki qiynoqning haqiqiy vositasiga aylanishi mumkin.
Tor oyoq kiyimlar
Qishki etiklarni kichik o‘lchamdagisini sotib olish xatodir. Ularni vaqt o‘tishi bilan kengayadi, deb o‘ylashadi. Ammo bu sodir bo‘lguncha sovuq hamda noqulaylik qiynaydi. Shuning uchun qishki oyoq kiyimlarni iloji boricha mos kelgani yoki bir o‘lcham kattasini xarid qilish tavsiya etiladi. Chunki qishda ular qalin hamda issiq paypoqlar bilan kiyiladi.
Taglik
Oyoq kiyimlarini tanlashda birinchi navbatda uning tashqi ko‘rinishiga qaraladi va shundan keyingina taglikka e’tibor beriladi. Qishki poyabzallarda taglik silliq bo‘lmasligi kerak, bu qor yog‘gan va muzlagan vaqtda xavfli. Ideal qishki poyabzalning tagligida maxsus tishlash bo‘ladi va bu muzda ham sirg‘alib ketishning oldini oladi.
Poshna
Baland poshnalar, albatta, obrazga nafislik beradi, u tashqaridan chiroyli ko‘rinadi, lekin qishda juda baland poshna noqulay bo‘lib, u ham bir qancha jarohatlarga olib keladi. Doimiy harakatda bo‘ladiganlar insonlar poshnasiz etiklarga ustunlik berishi lozim.
Namlikka chidamli
Barcha qishki poyabzallarni, ta’rifiga ko‘ra, suv o‘tkazmaydigan, deb o‘ylash noto‘g‘ri. Afsuski, barcha ishlab chiqaruvchilar ham poyabzallarning suv o‘tkazmasligi haqida qayg‘urmaydi. Natijada bu oyoqlarning muzlashiga va kasallikka chalinishga olib keladi. Shuning uchun qishki poyabzal sotib olayotganda, tabiiy material va yuqori sifatli tikuv mavjudligiga e’tibor berish lozim.
Material
Qishki poyabzal uchun materialning qalinligi katta ahamiyatga ega. Oyoq kiyimlar uchun haqiqiy teri turli yo‘llar bilan qayta ishlanadi, shuning uchun issiqroq bo‘lgan qo‘pol terili etiklarni tanlash lozim. Haqiqiy terining sun’iy analoglari issiqlik va havo almashinuvini ta’minlaydi. Unda oyoqlar terlamaydi va sovqotmaydi. Shuning uchun qishda sun’iy teridan tikilgan poyabzallarni e’tiborsiz qoldirmaslik kerak.
Issiqlik
Qishki poyabzal birinchi navbatda sovuqdan himoya qilishi kerak. Eng yaxshi tanlov — bu tabiiy mo‘yna, chunki mo‘yna issiqlikni mukammal darajada ushlab turadi va oyoqlarni nam va muzlashdan himoya qiladi, u juda chidamli va uzoq vaqt xizmat qiladi. Oyoqlarni sovuqdan himoya qilish uchun poyabzalning tagligi qalin bo‘lishi kerak. Agar ichki tagliklar olinadigan bo‘lsa, etik yanada qulayroqdir. Shuning uchun uni istalgan vaqtda olib tashlash va quritish mumkin.
Yorqin rangli etiklar
Yorqin rangli etiklarni har kuni kiyish qiyin. Chunki ular ko‘zga yaqqol tashlanadi. Qolaversa, qor va yomg‘irli kunlarda ularning tashqi ko‘rinishiga putur yetishi ham mumkin. Shuning uchun yorqin rangli etiklarni bayram yoki ziyofatlar uchun kiyish tavsiya etiladi.
Kombinatsiyalar xatosi
Bog‘lanadigan etiklar juda zamonaviy ko‘rinadi. Lekin ularni kechki liboslar bilan kiyib bo‘lmaydi. Qish — bu bayram va uchrashuvlar vaqti. Ko‘pincha ayollar yengil va nafis liboslarga urg‘u beradi. Ular bilan uzun hamda poshnali etiklar mos keladi. Sport uslubidagi etiklarni esa kundalik ishlarga kiyish mumkin.
Izoh (0)