Совуқ мавсум бошланиши билан ҳамма иссиқроқ кийинишга ҳаракат қилади. Шапкалар эса нафақат зарурат, балки мода аксессуари ҳамдир. Тўғри, улар орасида эскирган моделлар ҳам бор. Уларни кийиш образга путур етказиши ҳам мумкин. Marie Claire нашри урфдан қолган шапка моделларини тақдим этиб, аёллар учун ўз тавсияларини бериб ўтди.
Бир неча йиллар аввал тошлар билан безатилган шапкалар урфга кирган эди. Аммо орадан шунча вақт ўтса ҳамки, улар тенденцияга айланмади. Шунчаки бугунги кунда тошли ёки бошқа безакли шапкалар кийиш дидсизликнинг бир белгиси бўлиб қолмоқда. Имкон қадар шапка харид қилганда безакларсиз моделлар тавсия этилади.
Спорт шапкалари урфдан қолмаслиги аниқ. Аммо уларни фақат спорт кийимлари билангина уйғунлаштириб, машғулот давомида кийиш мумкин. Масалан, югуришга чиққан вақтда. Лекин ушбу моделни кундалик ҳаётда кийиш тавсия этилмайди.
Қайтармасиз шапкаларга ҳам юқоридаги ҳолат тегишли бўлиб, фақат бунда безаклар эмас, балки қулайлик рол ўйнайди. Одатда бундай моделдаги шапкалар ҳаммага ҳам мос келавермайди. Ёки пешона қисмидан тез тушиб кетиши билан ноқулайлик туғдиради.
Йирик ёзувли шапка моделлари аллақачон антитренд рўйхатидан ўрин олган. Ушбу мавсумда бренд логотипи туширилган шапкаларни харид қилиш тавсия этилмоқда.
Юпқа трикотаж шапкаларнинг орқа қисми узун. У ўтган ўн йилликда урфда эди. Аммо бугунги кунда ушбу моделдаги шапкалар шунчаки «Оппоғой ва 7 гном» мультфильмидаги гномларни ёдга солади.
Одатда турк сериаллари намойиш этилганда урфга кирган турбан шапкалари ҳам урфда эмас. Уларни уй ичида кийиш ёки ёш қизалоқларга кийдириш мумкин.
Ушбу моделдаги шапкалар ҳозирча болалар учун ишлаб чиқарилмоқда. Катталар эса аллақачон гардеробдан бу моделдаги шапкаларни чиқариб ташлаган.
Одатда бундай ёрқин рангли шапкалар билан образ яратиш бироз қийин. Бунинг учун шу рангга яқин куртка ёки этик кийиш лозим. Қолаверса, бу каби ранглар ҳамма аёллар учун ҳам, айниқса, қиш фаслида мос келмаслиги мумкин.
Изоҳ (0)