Ўзбекистоннинг Сирдарё вилояти Сирдарё туманидаги махсус инновацион зонада узум уруғидан ёғ ишлаб чиқариш лойиҳаси амалга оширилди. Бу ҳақда EastFruit хабар бермоқда.
Лойиҳанинг умумий қиймати 2,7 миллиард сўмни (Ўзбекистон Марказий банкининг 2022 йил 11 ноябрдаги курси бўйича 241,2 минг доллар) ташкил этади. Шу билан бирга, ушбу маблағнинг 63 фоизи — 1,7 миллиард (147,8 минг доллар) Ўзбекистон Инновацион ривожланиш вазирлиги гранти ҳисобидан молиялаштирилди.
Айни пайтда лойиҳа амалга оширилиб, ишлаб чиқариш жараёни тўлиқ қувват билан ишга туширилди.
Бу ерда 8 киши ишлайди. Ишлаб чиқарилган маҳсулотларни Россия ва Туркия бозорларига етказиб бериш режалаштирилган, узум ядроси ёғи намуналари ушбу мамлакатлардаги ҳамкорларга юборилган.
Кейинги босқичда, узум уруғлари чиқиндиларидан ун ишлаб чиқариш режалаштирилган. Узум уруғи косметологияда ҳам кенг қўлланилади.
Ўзбекистонда йилига 100 минг тоннага яқин узум қайта ишланади, ҳозиргача 5 минг тоннага яқин узум уруғи кўринишидаги чиқиндилар самарасиз фойдаланилган.
Мазкур лойиҳанинг амалга оширилиши натижасида 500 тонна узум уруғи қайта ишланиб, ундан 50 тоннага яқин ёғ олиниб, кейинчалик косметология ва фармацевтика соҳаларида қўлланилади, – дейди Сирдарё вилояти инновацион ривожланиш бошқармаси мутахассиси Сайфиддин Эсонтурдиев.
Изоҳ (0)