Одатда аёллар гардеробида урфдан қолмайдиган куртка моделлари ҳам бўлиши керак. Улар ҳар қандай учрашув, иш ва кундалик ҳаётда кийиш учун керак бўлади. Уларни бир марта харид қилиш ва йиллар давомида кийиш мумкин, деб ёзади Grazia.
Мутахассислар узун курткаларни классик услубга хос деб билади. Калта ва матоси товланмайдиган пар курткалар эса ҳамиша урфда. Бу каби моделлар қалин шим ва кўйлаклар билан ажойиб комбинацияни ҳосил қилади. Шунингдек, уларни исталган жойга кийиб бориш мумкин.
Узунлиги бўксага тушиб турувчи пар курткаларни ҳам узоқ вақт давомида кийиш мумкин. Бу, айниқса, совуқдан қўрқадиганлар учун мос келади. Ўртача узунликдаги курткаларнинг ёқа қисми кенг бўлиб, уларни очиш ёки шарф билан ҳам уйғунлаштириш ҳам мумкин.
Узунлиги тиззагача тушиб турадиган оверсайз курткалар ҳам ҳамиша урфда. Ушбу моделларни спорт услубида кийинувчилар ёки классик услуб ихлосмандлари ҳам кияди. Сабаби оверсайз модель ҳар қандай қоматга мос келади ва камчиликларни яширади.
Энг узун куртка моделлари ҳам юқоридаги сифатларга эга бўлиб, улар билан чиройли образ яратиш ҳамда қулайликка эришиш мумкин. Совуқ об-ҳавода иссиқ, қулай ҳамда замонавий комбинация яратиш осон эмас. Ушбу моделлар эса барчасини ўзида жамлаган. Шунинг учун уларни бир марта харид қилиб, узоқ вақт давомида гардеробнинг муҳим элементига айлантириш мумкин.
Изоҳ (0)