Вазирлар Маҳкамаси биносида қуввати 630 кВт бўлган қуёш фотоэлектр станцияси ишга туширилди. Бу ҳақда Энергетика вазирлиги матбуот хизмати хабар берди.
Мазкур қуёш фотоэлектр станцияси йилига 1,1 миллион кВт-соатдан зиёд электр энергияси ишлаб чиқаради.
Таъкидланишича, станция Вазирлар Маҳкамаси биносини кундуз куни тўлиқ электр энергияси билан таъминлайди. Шу билан бирга, эҳтиёжидан ортган қисмини ҳудудий электр тармоқларига узатиш имконияти ҳам яратилди.
Ушбу станция президент раислигида қайта тикланувчи энергия манбаларидан фойдаланишни кенгайтириш масалалари бўйича ўтказилган видеоселектор йиғилишидаги топшириқлар ижроси юзасидан амалга оширилди.
Фурсатдан фойдаланиб, ушбу ташаббусга барча вазирлик ва идоралар ҳам қўшилишларини сўраймиз, — дейилади вазирлик ахборотида.
Мавзуга доир: