Қорақалпоғистон ва Сирдарё энг охирги: Ўзбекистонда ипотека кредитлари бўйича вазият қандай?

Марказий банк 2022 йилнинг 10 ойида аҳолига ажратилган ипотека кредитлари бўйича маълумот берди.

Унга кўра, йил бошидан бери энг кўп ипотека кредитлари берилган ҳудудлар орасида Тошкент шаҳри етакчилик қилмоқда — 3,53 трлн сўм.

Иккинчи ўринни Самарқанд вилояти (955 млрд сўм)эгаллаган бўлса, Фарғона вилояти (948 млрд сўм) учинчи бўлди.

Ипотека кредитларининг энг кам миқдори Сирдарё вилоятига тегишли — 260,7 млрд сўм.

Бундан ташқари Қорақалпоғистон( 358,9 млрд сўм), Жиззах (433,9 млрд сўм) ва Хоразмда (469 млрд сўм) ҳам нисбатан кам миқдорда кредит ажратилган.

Йил бошидан бери ипотека кредитларининг молиялаштириш манбалари:

• Молия вазирлиги — 8,3 трлн сўм;
• Банк ўз маблағлари — 2,9 трлн сўм;
• Ипотекани қайта молиялаштириш манбалари — 143,1 млрд сўм.

Аввалроқ глобал уй-жой нархларининг инқирози яқинлашаётгани ҳақида хабар берилганди.