Ўзбекистон Туркий Давлатлар Ташкилоти билан қандай савдо қилади?

Туркий Давлатлар Ташкилотининг (ТДТ) Самарқанд саммити арафасида Иқтисодий тадқиқотлар ва ислоҳотлар маркази ТДТ мамлакатлари билан ташқи савдо айланмаси бўйича инфографика тайёрлади.

2022 йилнинг 9 ойи якунларига кўра, Ўзбекистоннинг ТДТ мамлакатлари билан ташқи савдо айланмаси 10,2 фоизга ошди ва 7,4 млрд долларни ташкил этди. 

Бунда: 

• экспорт — 3,2 млрд доллар (ўсиш 10,6 фоиз)
• импорт — 4,2 млрд доллар (ўсиш 9,9 фоиз).

9 ойда ТДТ мамлакатлари Ўзбекистон умумий ташқи савдо айланмасининг 20,4 фоизини ташкил этди.

Ўзбекистон ТДТ мамлакатлари бозорларига тайёр маҳсулотларнинг асосий ҳажмини: тўқимачилик, электротехника, автомобилсозлик ва мева-сабзавот маҳсулотлари ҳамда рангли металларни экспорт қилади.

ТДТ мамлакатларидан саноат корхоналари учун зарур бўлган маҳсулотлар: металл прокат, алюминий, шунингдек, турли механик асбоблар, қурилиш материаллари, нефть маҳсулотлари, доннинг асосий қисми ва бошқа озиқ-овқат маҳсулотлари импорт қилинади.

2021 йилда Ўзбекистоннинг ТДТ мамлакатлар билан савдо айланмаси 39,5 фоизга ошган эди ва 9,4 млрд долларнини ташкил этган.

Бунда:

• экспорт — 3,9 млрд доллар (ўсиш 37,1 фоиз);
• импорт — 5,5 млрд доллар (ўсиш 41,4 фоиз).