Франция президенти Эммануэль Макрон нефть туфайли Венесуэла президенти Николас Мадурога муносабати кескин ўзгаргани учун иккиюзламачиликда айбланди, дея хабар қилади маҳаллий ОАВ.
«7 ноябрь, душанба куни Мисрнинг экологик саммити доирасида икки давлат раҳбарлари ўртасида бир ярим дақиқалик суҳбат бўлиб ўтди, бироқ буниси Макроннинг 2019 йилда Мадурони ‘ноқонуний етакчи’ деб атаган дастлабки изоҳларидан кескин фарқ қилади», — деб ёзади France24.
Бундан ташқари, ЛФИ партияси раҳбари Жан-Люк Меленшон ҳам мамлакат президентининг ўзгарган ёндашувига эътибор қаратди.
«Нефтьга бўлган эҳтиёж одамларни одобли қилади», — деб ёзди у Twitter’даги саҳифасида.
Ўз навбатида Liberation газетаси буни Мадуро билан муносабатлардаги 180 градуслик бурилиш деб атади.
6 ноябрь, якшанба куни Мисрнинг Шарм аш-Шайх курортида COP27 экологик саммити очилди. France24 хабарига кўра, Франция президенти Венесуэла билан узоқ муддатли ўзаро манфаатли муносабатлар ўрнатиш истагини билдирган.
Мадуро, шунингдек, суҳбат чоғида Франция Жанубий Америка минтақасида ижобий рол ўйнаши кераклигини ва Макрон билан «кўплаб умумий дўстлари» борлигини айтди.
АҚШ, Франция ва бошқа Европа Иттифоқи давлатлари Хуан Гуайдони амалдаги президент деб ҳисоблаб, 2018 йилда Мадуронинг қайта сайланишини қонуний деб тан олишмаган. Макрон ўз навбатида Мадурони ноқонуний ҳукмдор деб атаб, Венесуэлада «демократияни тиклаш»га чақирган эди.
Изоҳ (0)