Франция президенти Эммануэль Макрон Тулон шаҳрида вертолётлар учиши ва қўниши учун мослаштирилган Дихмуде ҳарбий кемаси бортида туриб янгиланган миллий хавфсизлик стратегиясини тақдим этди, у мамлакатга 2030 йилга келиб, «халқаро майдонда мувозанат кучи» ва «Европа стратегик мухторияти марказида жойлашган мустақил, ҳурматли, ҳаракатдаги давлат» сифатида ўз ўрнини мустаҳкамлаш имкониятини бериши керак.
Макроннинг айтишича, Украинадаги жанговар ҳаракатлар «келажакда янада каттароқ кўламли геосиёсий зиддият учун намунага айланиши хавфи бор».
«Украинага тинчлик қайтиб келганидан кейин, биз барча оқибатлар учун жавоб беришимизга, яъни янги хавфсизлик архитектурасини, янгиланган барқарорлик тизимини ва қурол-яроғ устидан назоратни қуришимизга тўғри келади», — деди у.
Президент, шунингдек, иқтисодиётни янги шароитларга мослаштиришга, мудофаа саноатига туртки бериб, мамлакатни «ҳарбий иқтисодиёт ҳолатига» келтиришга чақирди.
Бундан ташқари, унинг қайд этишича, Франция Евроиттифоқда ядро қуролига эга бўлган ягона мамлакатдир, бироқ у ядровий тийиб туришни Франция ва Европа «хавфсизлиги асоси» деб атади.
Аввалроқ Франция Ташқи ишлар вазирлиги Россия президенти Владимир Путиннинг Украинадаги жангивар ҳаракатлар Ғарбнинг устунликка эришиш учун олиб бораётган кураши экани ҳақидаги гапларига қўшилмаганди. Париж унинг гапларида Москванинг дунёни «ҳарбий блоклар мантиғи»га қайтаришга уринишини кўрган.
Франция томони айнан Россияни «халқаро майдондаги асосий беқарорлаштирувчи куч» деб ҳисоблайди: у «Европа ва бутун дунёга нисбатан шантаж мантиғи»ни қўллайди.
Путин дунёда юзага келган вазият ва Украинадаги махсус операцияга айнан Ғарбнинг хатти-ҳаракатлари сабаб бўлганини айтганди.
Изоҳ (0)