НАТО бош котиби Йенс Столтенберг Ғарб етакчиларини Россиянинг ҳарбий салоҳиятини паст баҳоламасликка чақирди, деб хабар беради «ТАСС».
«Биз Россияни паст баҳоламаслигимиз керак. Улар Украина шаҳарларига ҳужум қилиш ва зарба бериш учун ҳали ҳам салоҳият ва кучга эга. Биз дрон ва ракета зарбаларини кўрдик. Бу Россия ҳали ҳам кўп зарар келтира олишини кўрсатади», — деди у Британиянинг Sky News телеканалига берган интервьюсида.
9 ноябрь куни эрталаб россиялик «ҳарбий мухбирлар» Херсондаги бинолардан Россия байроқлари олиб ташланганини, босиб олинган Снигиревкадан шаҳар томон кетаётганда кўприклар портлатиб юборилганини хабар қилди.
Кечга яқин Россия қўшинлар қўмондони Сергей Суровикин аскарларни Днепрнинг ўнг қирғоғидан олиб чиқишни таклиф қилди. Россия мудофаа вазири Сергей Шойгу бу таклифга розилик билдирди.
Изоҳ (0)