Эрон футболининг афсонаси Али Дайи ўлим жазосига ҳукм қилинди, дея хабар қилмоқда Озарбайжоннинг Report нашри.
Манбанинг хориждаги ОАВга таяниб хабар қилишича, собиқ футболчи Маҳса Аминийнинг ўлимидан кейин юзага келган норозилик намойишларида қатнашгани учун шу жазога лойиқ кўрилган.
Қайд этилишича, Дайидан бошқа яна ҳибсга олинган 15 мингга яқин одам қатл қилинади.
Али Дайи 1988—2007 йиллар мобайнида профессионал футболчи сифатида фаолият юритган. У Эрон ва Осиёнинг қатор клубларидан ташқари Германиянинг «Бавария», «Ҳерта» ва «Арминия» жамоалари шарафини ҳимоя қилган. 2006—2019 йилларда мураббийлик билан шуғулланган.
Дайи Эрон терма жамоаси тарихидаги энг яхши тўпурар ҳисобланади. Форс футболчиси 109 та голи билан яқингача терма жамоалар тарихидаги энг яхши тўпурар бўлиб турганди. Унинг рекордини 2021 йилда Криштиану Роналду янгилади.
Мавзуга доир:
- Эронда 14 минг нафар намойишчи қатл этилиши мумкин
- Украина футбол ассоциацияси Эронни жаҳон чемпионатидан четлаштиришни таклиф қилди
- Эронлик бир гуруҳ футболчи ва спортчилар мамлакат терма жамоасини ЖЧ—2022 дан четлатишни сўраб, ФИФАга мурожаат қилди
- Эрон аёллар ҳуқуқларини ҳимоя қилувчи ташкилот ФИФАга мамлакатини ЖЧ—2022 дан четлатиши сўраб, мурожаат йўллади
Эрондаги намойишларга нима сабаб бўлди?
Эронда намойишлар сентябрь ўрталарида, 22 ёшли Маҳса Аминийнинг ўлимидан кейин бошланди. Полиция уни Теҳронда метродан чиқиш чоғида ҳижобни нотўғри ўрагани учун ҳибсга олган.Кейинроқ Аминийнинг акаси маълум қилишича, полициячилар у билан «қайта тарбиялаш» ишларини ўтказишга ваъда берган. Полиция участкасидан қиз тез ёрдам машинасида олиб кетилган. Шифокорлар қизда юрак хуружи ва инсульт юз берганини билдирган, у бир неча кундан кейин вафот этган. Эрон полицияси бахтсиз ҳодиса юз берганини даъво қилмоқда.
Эрон ҳукумати фикрича, норозиликлар «ислом режимини заифлаштириш бўйича душман стратегияси»нинг бир қисмидир, мамлакат армияси эса намойишлар фонида «душманларга қарши курашиш» ва хавфсизликни таъминлаш ниятида.
Эрон олий етакчиси Али Хоманаий намойишлар «оддий эронликлар» томонидан ўтказилмаётганини, балки олдиндан режалаштирилганини айтганди, шунингдек, у АҚШ ва Исроилни тартибсизликларни ташкиллаштиришда айблаганди.
Изоҳ (0)