Тошкент вилоятида 1 тоннадан ортиқ истеъмолга яроқсиз гўшт сотилишининг олди олинди

Тошкент вилояти ИИББ ва прокуратураси ходимлари томонидан 1 тонна сифатсиз гўшт маҳсулотлари савдосига чек қўйилди.

Маълум қилинишича, вилоят ИИББ Карантин тадбирларини таъминлаш бўлинмаси ва прокуратура департаменти ходимлари билан ҳамкорликда Зангиота тумани ўтказилган тадбир давомида, 1993 йилда туғилган фуқаро Б.Т. (қассоб)га тегишли туман «Гулбоғ» маҳалласида жойлашган (ноқонуний) кушхона холислар иштирокида кўздан кечирилган.

Текшириш давомида кушхонада санитария талабларига жавоб бермайдиган ҳолатда сақланаётган, инсон ҳаёти ва соғлиги учун хавфли бўлган (текширув хулосаси билан) 1 тонна 271 кило гўшт маҳсулотлари далилий ашё сифатида ҳужжатлаштирилиб олинган.

Мазкур ҳолат юзасидан фуқаро Б.Т. ва бошқаларга нисбатан Жиноят кодексининг 186-моддаси (хавфсизлик талабларига жавоб бермайдиган товарларни ўтказиш мақсадини кўзлаб ишлаб чиқариш, сақлаш, ташиш ёхуд ўтказиш, ишлар бажариш ёки хизматлар кўрсатиш) билан жиноят иши қўзғатилиб, тергов ҳаракатлари олиб борилмоқда.

Мавзуга доир: Жиззахда 1,2 тонна номаълум ҳайвон гўшти Тошкентга сотиш учун олиб кетилаётганда тўхтатиб қолинди