Ўзини ўзи банд қилган шахслар: ушбу рўйхатга қандай фаолият турлари киради?

Марказий банкнинг FinLit лойиҳаси ўз-ўзини банд қилган шахслар, бундай рўйхатда қандай фаолият турлари мавжудлиги ҳақида маълумот берди.

Такси ҳайдовчиси ва репетитор, дастурчи ва косметолог, интернет-маркетолог ва таржимон, видеограф ва риелтор — уларда қандай умумийлик бор?

Уларнинг барчаси ўзини ўзи банд қилган бўлиб, улар давлат солиқ хизмати органларида рўйхатдан ўтиб, иш стажини ҳисоблаш ва ўз фаолиятини қонунийлаштириш ҳуқуқига эга бўлган шахслардир.

Ҳозирги кунда ўзини ўзи банд қилган шахслар шуғулланиши мумкин бўлган фаолият турлари рўйхатига 78 та иш ва хизматлар киритилган.

Ўзини ўзи банд қилган шахслар ихтиёрий равишда 1 БҲМ миқдорида йиллик ижтимоий солиқни тўлаб, иш стажи ҳисобини юритиш имкониятига эга.

Жорий йилнинг 1 ноябрь санасидан ўзини ўзи банд қилган шахслар шуғулланиши мумкин бўлган фаолият турлари 10 тага ошиб, улар 78 тага етган эди.

Улар қуйидагилар:

• Уй ҳайвонлари (қорамол, қўй, эчки, от ва бошқалар) бозорларида воситачилик хизмати;
• Автомобиль бозорларида воситачилик хизмати;
• Риэлторлик хизматини кўрсатиш (ижарага уй топиб бериш, уй сотиб олиш ва сотишга кўмаклашиш);
• Уйда сут ва сут маҳсулотларини қайта ишлаш ва сотиш хизмати;
• Маиший буюмларни ижарага бериш хизмати (стол-стул, идиш-товоқ, асбоб-ускуна ва бошқалар);
• Гипс ва ганчдан буюмлар ясаш (уй жиҳозлари, эртак қаҳрамонлари ҳайкалларини ясаш);
• Тош ва тош маҳсулотларидан ёдгорлик, сувенир ва декоратив буюмлар тайёрлаш;
• Ёғоч маҳсулотларидан сават, нон маҳсулотлари учун махсус идиш ва бошқа буюмларни тўқиш;
• Уй шароитида пилла етиштириш, шахсий томорқа ер участкасида тут меваси, ниҳоли ва кўчатини етиштириш, уйда ипак мато, ипак гилам тўқиш ва сотиш;
• Кулолчилик.

Аввалроқ Ўзбекистон қонунчилигида 1 ноябрдан нималар ўзгариши ҳақида хабар берилганди.