Норвегия қироли Харалд V ва қироличаси Sonyанинг қизи Марта-Луиза Норвегия маликаси унвонидан ва Глюксбурглар қироллик уйи расмий вакили бўлишдан воз кечишга қарор қилди. Бу ҳақда қироллик оиласи сайтидаги хабарда айтилади. Июнь ойида Марта-Луиза америкалик Дурек Верретт билан унаштирилганини эълон қилганди, у эса ўзини олтинчи авлоддаги шомон деб атайди.
«Малика ва унинг қаллиғи Дурек Верретт шахсий ишлари ва Норвегия қироллик оиласи ўртасидаги чегарани янада аниқроқ қилиб чизишни хоҳлаган бўларди», — дейилади баёнотда. Бу, хусусан, шуни билдирадики, малика хайрия ташкилотлари ҳомийси ролини ўйнашдан тўхтайди.
Малика Instagram орқали аниқлик киритишича, у «ўзининг Норвегия маликаси ва хайрия ташкилотлари ҳомийси сифатидаги ролларини бир-биридан ажратмоқчи».
Қирол Марта-Луизанинг малика унвонини сақлаб қолишга қарор қилди. Унинг қаллиғи ҳам тўйдан кейин қироллик оиласига киради, бироқ унга анъанага мувофиқ унвон тақдим этилмайди. Марта-Луиза ҳам, Верретт ҳам оилавий тадбирларда қатнашади.
Верретт ва Марта-Луиза ишқий муносабатлари ҳақида 2019 йилда эълон қилган, малика эса Лос-Анжелесга кўчиб ўтган эди.
Дурек Верретт 47 ёшда. У шомонлик сеансларини ўтказади, вуду бўйича онлайн-курслар олиб боради ва шу тариқа, «одамлар онгли равишда, чинакамига ва уйғунликда яшаши учун изм-иродани уларнинг қўлларига қайтаради». Верреттнинг мижозлари орасида актрисалар Нина Добрев ва Гвинет Пелтроу ҳам бўлган.
Марта-Луиза эса 50 ёшда, у тахтга даъвогарлик бўйича навбатда тўртинчи ўринда туради. Верретт билан турмуши унинг учун иккинчиси бўлади: бундан аввал у ёзувчи Ари Бен билан турмуш қуриб, уч фарзандли бўлган. 2002 йилда Марта-Луиза бизнес билан шуғулланиш учун «Ҳазрати олиялари» унвонидан воз кечган, аммо малика унвонини сақлаб қолган эди.
Изоҳ (0)