Октябрь ойида глобал миқёсда ишлаётган нефть ва газ бурғулаш қурилмалари сони кетма-кет олтинчи ой ўсди ва 2020 йил март ойидан бери энг юқори кўрсаткичга етди. Бу ҳақда Американинг Baker Hughes нефть конлари сервис компаниясига таяниб «Интерфакс» хабар бермоқда.
Ўтган ойда дунёда ўртача 1859 та шундай қурилма бўлган бўлса, сентябрда бу кўрсаткич 1853 тани ташкил этган. Шу билан бирга, октябрь ойи даражаси 2021 йилнинг шу ойидаги кўрсаткичдан 389 га юқори бўлди.
АҚШда ўтган ойда бурғулаш қурилмалари сони сентябрга нисбатан 5 тага кўпайиб, 768 тага етди. Канадада эса уларнинг сони 3 тага ошиб, 214 тага етди.
Лотин Америкасидаги ўрнатилган қурилмалар сони ўтган ойда 8 тага, Европада 1 тага, Африкада 4 тага, Осиё-Тинч океани минтақасида 1 тага, Яқин Шарқда 18 тага ўсди.
Baker Hughes 1944 йилдан бери фаол бурғулаш қурилмалари ҳақидаги маълумотларни нашр этиб келади. Дастлаб, компания маълумотни фақат АҚШ ва Канадада, 1975 йилдан бошлаб бутун дунёда тўплади.
Бутун дунё бўйлаб фаол нефть ва газ бурғулаш қурилмаларининг ўртача ойлик сони ўтган йили 2020 йилдаги 1351 та тарихий минимал кўрсаткичдан 1361 тага ошди. Рекорд 1981 йилда 5624 та ўрнатиш билан эришилган.
Изоҳ (1)
Juda katta ish qilishibdi, ekologiyamizni asrash ishonchli qo'llarda ekanligiga yana bir bor amin bo'ldim)). Ekologiyani abjag'ini chiqaraytogan qanchadan qancha boshqa muammo turganda, shu shag'alchini "ushlab" netga olib chiqishibdi