Агар товуқ гўштини музлатгичдан олиб чиққанингизда, ёқимсиз ҳидни сезсангиз, бу ҳар доим ҳам гўштнинг сифати ёмонлашганини англатмайди. Баъзида товуқ музлатгичда эмас, полиэтилен пакетга солинган бўлса, шундай ҳид пайдо бўлиши мумкин. Кўплаб уй бекалари томонидан синовдан ўтган бу ҳиддан қутулишнинг бир неча усуллари мавжуд.
Товуқ гўштининг ёқимсиз ҳидини қандай йўқотиш мумкин?
Товуқ гўштида пайдо бўлган ёқимсиз ҳидни уни пиширишдан олдин йўқотиш керак, чунки тайёр овқатларда ҳам ёқимсиз таъм пайдо бўлиши мумкин.
Ёқимсиз ҳидни йўқ қилишнинг бир нечта усуллари мавжуд, бироқ бунинг учун сизнинг уйингизда ушбу рўйхатдаги нарсалардан бирортаси топилиши керак:
- хантал
- вино сиркаси ёки қуруқ қизил шароб
- анор соуси ёки янги анор шарбати
- маргансовка
- лимон
- кучли ҳидга эга зираворлар ва ўтлар: карри, кардамон, мускат ёнғоғи, таррагон, райҳон, тоғжамбил, розмарин
- кўмир
- қуритилган мойчечак
- туз ва шакар
- саримсоқ
Товуқ гўштининг ёмон ҳидидан қандай қутулиш мумкин?
Товуқни оқиб турган совуқ сувда ювинг, тана қисмидан ёғ қатламини олиб ташланг — ёқимсиз ҳид шу сабаб пайдо бўлган бўлиши мумкин. Товуқни эҳтиёткорлик билан ювишга ҳаракат қилинг: сувнинг микро томчилари билан бирга, гўштдаги бактерияларнинг ошхона бўйлаб тарқалиши осон. Шунинг учун товуқ, гўшт ва балиқни ювиш тавсия этилмайди.
Товуқни бўлакларга бўлинг ва маргансовка эритмасига бир неча соат солиб қўйинг. Бундан ташқари, товуқ гўштини совуқ шўр сувда 3-4 соат давомида солиб қўйишингиз мумкин, бунинг учун 1 литр сувга 2 қошиқ ош тузини қўшишингиз керак. Агар сиз бундай сувга яна бир кичик кўмир бўлагини солиб қўйсангиз том маънода таъсир кучаяди.
Яна бир усул: гўштни мойчечак қайнатмасига солинг. Бунинг учун бир ош қошиқ қуритилган мойчечакка бир стакан қайноқ сув қуйинг, кейин қайнатмани бир литр совуқ сувда суюлтиринг.
Нохуш ҳид пайдо бўлмаслиги учун гўштни перgameнт ёки қоғозга ўралган ҳолда сақлаган маъқул, ва унинг устига шўр сув билан намланган салфеткани қўйинг.
Хантал яхши натижа беради. Товуқнинг ҳар бир бўлагига яхшилаб хантал суртинг, уларни идишга солинг, озиқ-овқат плёнкаси билан ўранг ва бир неча соат давомида музлатгичга қўйинг. Бундан ташқари, товуқ гўштига шакар ва туз аралашмасини қўшишингиз мумкин. Шунингдек, у билан уйингиздаги зираворлар ва ўтларни аралаштиришингиз мумкин. Товуқ бўлакларини туз билан ишқаланг ва уларга бу аралашмани суртинг, хона ҳароратида 1 соат сақланг.
Саримсоқ пакетда сақланган товуқ гўштининг ёмон ёки ғалати ҳидларини ҳам йўқ қилиши мумкин. Икки ёки учта саримсоқ доначаларини чорак қисмга бўлиб кесиб олинг ва уларни товуқ бўлакларига суртинг, туз қўшинг. Бир-иккита катта саримсоқ доначаларини қирғичдан ўтказинг, туз ва мурч билан аралаштиринг, товуқ бўлакларига суртинг ва 2 соат давомида музлатгичга қўйинг.
Ҳар қандай гўштнинг ёқимсиз ҳидидан халос бўлишга ёрдам берадиган яна бир усул — тузлаш. Маринадлаш учун, зираворлар ва ўтлардан ташқари, вино сиркаси, қуруқ қизил шароб ёки лимоннинг янги сиқилган шарбатидан фойдаланишингиз мумкин. Маринадлашда туз қўшишни унутманг. Товуқ бўлакларини тузлаб музлатгичга 2-3 соатга қўйинг.
Янги товуқ гўштини сотиб олишнинг ўзи этарли эмас, у зарарли бўлмаслиги учун пишириш ҳам керак. Пиширишдан олдин гўштнинг устидаги терисини олиб ташлашингиз керак, чунки унда токсинлар тўпланади. Гўштни грилда пиширишни маслаҳат берилмайди чунки у кансероген хусусиятларга эга. Пиширишнинг энг яхши усуллари қайнатиш, пишириш, буғлашдир.
Табиий шароитда ўсган ферма товуқларининг гўштини олинг. Товуқ гўшти юқори истеъмол талабига эга бўлган маҳсулотдир, кўплаб ишлаб чиқарувчилар товуқларнинг ўсишини тезлаштириш ва оғирлигини ошириш учун турли усуллардан фойдаланади, шунинг учун баъзида маҳсулотда антибиотиклар ва бошқа қўшимчалар мавжуд бўлади. Улар гўштнинг сифатини ҳам бузиши мумкин: эскирган товуқ гўштига баъзан янги кўриниш бериш учун махсус эритма суртилади.
Мавзуга доир: Ҳар куни товуқ гўшти истеъмол қилинса, организмда қандай ўзгаришлар содир бўлади?
Изоҳ (0)