Ушбу мазали ичимлик нафақат тетиклантиради, балки ортиқча вазндан халос бўлишда самарали курашиш учун энергия беради, деб ёзади Marie Claire.
Бугунги кунда ижтимоий тармоқларда вазн камайтиришнинг кўплаб усулларини топиш мумкин. Уларнинг баъзилари, албатта, самарали, бошқалари эса ҳайратда қолдиради ва ҳатто қўрқувга ҳам сабаб бўлади. Блогер ва физиотерапевт Лилли Сабри оқсилга бой коктейл рецепти билан бўлишди, бу унга эрталабдан яхши кайфият ва ўзини ажойиб ҳис қилишга ёрдам беради.
«Менинг рационимда доимий қоладиган нарса — бу тонгги смузи, — дейди Лилли. — Мен ҳар доим эрталаб смузи ичаман, одатда у оқсилли қаҳвага асосланган, шунинг учун мен гўшт истеъмол қилмайман ва рационда етарлича оқсил мавжудлигига ишончим комил».
Кунни тўғри бошлаш учун Лилли ерёнғоқ мойи ва қаҳвадан смузи тайёрлайди. «Мен икки порция эспрессони оламан, — дейди блогер. — Блендерга бир нечта муз бўлаклари, сули сути ва баъзида кокос ёғидан ҳам соламан. Сўнгра музлатилган банан, аниқроғи, унинг ярми ва бир ош қошиқ ерёнғоқ мойи қўшаман. Бу, албатта, таъмига кўра, сутли коктейлга ўхшайди».
Блогернинг таъкидлашича, ушбу смузи учун маҳсулотлар ҳар доим уйдан топилади. Лилли фақат бананларга буюртма беради ва уларни музлаткичда сақлайди.
Нонушта учун Лилли тухум ҳам истеъмол қилади, углеводлардан хавотир олмай тушликда гуручли таом ёки макаронли салатини ейиши мумкин. Бундан ташқари оқсилга бой батон, ерёнғоқ ёғи билан банан истеъмол қилади. Қолаверса, унинг ратционидан оқсил кукуни ҳам ўрин олган. Аммо дўкондан харид қилинган кукун таъмини ёқтирмагани учун, уни ўзи ишлаб чиқаришни йўлга қўйган.
Шунингдек, у вазн йўқотиш жараёнининг энг муҳим қисмини жисмоний машқлар деб билади, унинг фикрича, овқатланиш ва фикрлаш тарзи ҳам бу борада муҳимдир. Бел ҳажмини камайтириш учун у мунтазам равишда пилатесни тавсия қилади ва унинг қорин бўшлиғидаги ёғларни эритиш учун 10 дақиқалик машғулот дастури мавжуд.
Сабри жисмоний фаолиятни танлашда шахсий имтиёзларни ва организмнинг маълум машқларга қандай жавоб беришини ҳисобга олиш кераклигини таъкидлайди. Айтганча, баъзи спорт турлари нафақат қўшимча килограммлардан халос бўлишга, балки соғлом ҳаётни йиллар давомида узайтиришга ҳам ёрдам беради.
Изоҳ (0)