Бокс бўйича 2022 йилги Осиё чемпионатининг 6 ноябрь кунги баҳслари якунланди.
-63,5 кг вазн тоифасида Ўзбекистон шарафини ҳимоя қилаётган Руслан Абдуллаев чорак финалда Филиппин вакили Жеймс Палистега қарши баҳс юритди. Унда Абдуллаев катта устунлик билан ғалаба қозониб, ярим финал йўлланмасига эга чиқди.
Асадхўжа Мўйдинхўжаев (-67 кг) эса ҳиндистонлик боксчи Амит Кумарга имкон қолдирмай, ярим финалга йўл олди.
Фарзона Фозилова (-48 кг) Иордания вакили Сара Қавасмига қарши рингга кўтарилди. Ўзбекистонлик боксчи рақибини иккинчи раундда икки бор нокдаун ҳолатига туширди. Учинчи раунддаги яна бир нокдаундан кейин ҳакам жангни муддатидан аввал тўхтатди ва Фозилованинг ғалабасини қайд этди.
Дилфуза Бекова (-60 кг) таиландлик Порнтип Буапага қарши жангда мағлубиятга учраб, мусобақа билан хайрлашди.
Аввалроқ Абдумалик Ҳалоков, Шаҳзод Музаффаров ва Адҳамжон Муҳиддинов ҳам ярим финал йўлланмасига эга чиққанди.
Изоҳ (0)