Маккажўхори дунёдаги фойдали озиқ-овқатлардан биридир. Биргина Америка Қўшма Штатларида унинг 200 дан ортиқ навлари етиштирилади. Лотин Америкасида маккажўхори кўплаб анъанавий таомлар учун асос сифатида ишлатилади. Ушбу дала маликасининг қандай фойдали хусусиятлари мавжуд? Elle нашри қуйида ушбу саволга жавоб берди.
Маккажўхорининг афзаллиги шундаки, у глютенсиз бўлиб, буғдой ўрнига ишлатилиши мумкин. Шунингдек, у кўплаб органларнинг тўлиқ ишлаши учун зарур бўлган муҳим витамин, минерал ва антиоксидантларга бой. Ҳатто қайнатилган маккажўхори фойдалари ҳақида илмий ишлар ҳам мавжуд.
Маккажўхорининг юрак учун фойдалари
Қайнатилган маккажўхори калий манбаи бўлиб, бу кўпчиликка етишмайдиган муҳим озуқа ҳисобланади. Аммо қон айланиш тизимининг ишлаши, қон оқими ва юрак уриши тезлигини таъминлаш учун жуда зарур. Агар калий миқдори тўлдирилмаса, гипокалиемия юзага келиши мумкин, бу ҳаёт учун хавфли ҳолат.
Кўзлар саломатлиги учун
Маккажўхори таркибида кўпинча мева ва сабзавотларда учрайдиган А витаминига ўхшаш каротиноид бўлган лутеин мавжуд. Лутеин катаракт ва бошқа кўз касалликлари хавфини камайтириши маълум. Қайнатилган маккажўхори ҳар бир кишининг кўзлар саломатлиги учун фойдалидир.
Овқат ҳазм қилиш тизими учун зарур
Маккажўхори овқат ҳазм қилиш трактининг тўғри ишлаши учун зарур бўлган клетчаткага бой. Клетчатка — маҳсулотнинг асосий қисми бўлиб, у қуйидаги бошқа афзалликларга эга:
- ичак ҳаракатини тартибга солади;
- микрофлорани сақлашга ёрдам беради;
- йўғон ичак саратони билан касалланишни камайтиради;
- қонда шакар миқдорини мувозанатлаштиради.
Маккажўхори таркибидаги кварсетин инсон организмини Альцгеймер касаллиги ва деменсиядан ҳимоя қилади. Кварцэтин нейрон ҳужайраларига таъсир кўрсатиши ва нейроинфламация, деменсия ҳолатларини потенциал равишда камайтириши кўрсатилган.
Аёллар учун
Маккажўхори таркибида B6 витамини мавжуд бўлиб, у соғлом пиридоксин даражасини сақлаб туриш учун зарурдир. Ушбу модданинг етишмаслиги анемияга олиб келиши ва юрак касалликлари ҳамда депрессия хавфини ошириши мумкин.
Маккажўхори истеъмол қилиш озуқавий ва минераллар даражасини оширишнинг ажойиб усули ҳисобланади. 100 грамм қайнатилган маккажўхори таркибида:
- 8,4 фоиз марганец;
- 9,6 фоиз фосфор;
- 2,5 фоиз темир;
- 5,2 фоиз рух;
- 6,5 фоиз магний.
Маккажўхори одамлар учун фойдали бўлса-да, унинг камчиликлари ҳам бор. Масалан, у кўп миқдорда углеводларни ўз ичига олади. Шунингдек, қандли диабет билан оғриган одамларда қонда шакар даражасини ошириши мумкин бўлган крахмалга эга. Маккажўхорини меъёрида ва рационнинг бир қисми сифатида истеъмол қилиш муҳимдир.
Изоҳ (0)