Айиқлар қишдагина ухлайди, аммо мегаполисларда яшовчи замонавий одамлар учун уйқучанлик ҳолати бутун йил давомида одатий ҳолдир. Доимий шошилиш ва иш кунининг тез ўтиши туфайли одам тобора кўпроқ ҳолсиз бўлиб қолади.
Уйқу, аниқроғи, унинг камлиги тарк этмас фикрга айланади. Ҳар куни уйғонибоқ, яна кеч киришини истайдиганлар диққатига муаммони ҳал қилишга комплекс тарзда ёндашиш вақти келди, деб ёзади Marie Claire.
Уйқучанлик сабаблари
Мавсумий сабабларга қўшимча равишда, доимий уйқу истагини келтириб чиқарадиган бир қатор бошқа омиллар ҳам мавжуд. Улардан баъзилари турли касалликлар, уйқуга вақт етишмаслиги, психологик муаммолар, дори-дармонларни қабул қилишнинг ножўя таъсири, кислород етишмаслиги, сувсизланиш, ҳомиладорликдир.
Уйқучанликдан қандай қутулиш мумкин?
Аввал сабабни аниқлаш керак. Шифокорга ташриф буюриб, доимий ҳолсизлик ортида нима борлигини тушунишга ёрдам берадиган текширувлардан ўтиш лозим. Агар соғлиқ билан боғлиқ муаммолар бўлмаса, унда қуйидагилар тавсия этилади.
Биринчидан, кундалик тартибни ўзгартириш. Ҳар куни бир вақтнинг ўзида ухлашга ётиш ва бир вақтнинг ўзида уйғонишга ҳаракат қилиш лозим. Кунига камида етти соат ухлашга ҳаракат қилиш керак. Бу вақт дам олиш ва организмни тиклаш учун оптимал ҳисобланади.
Иложи бўлса, ётишдан олдин сайр қилиш керак. Бу орқали организмни кислород билан тўйинтириш мумкин, унинг етишмаслиги уйқучанликнинг сабабларидан бири бўлиши табиий. Шунинг учун мунтазам равишда жойлашган хоналарни вентиляция қилишни унутмаслик лозим. Бундан ташқари, юриш тезроқ ухлаб қолишга ёрдам беради ва уйқу сифатини яхшилайди.
Рационингизни ўзгартириш тавсия этилади. Кузда у айниқса хилма-хил бўлиши ва оқсил, ёғ, углевод ва етарли миқдорда витамин ва микроэлементларнинг комбинациясини ўз ичига олиши керак. Бундан ташқари, сув ҳақида унутмаслик жуда ҳам муҳим, организмда етарлича суюқлик бўлиши керак. Спиртли ичимликларни эса рациондан чиқариш шарт.
Уйқучанликнинг сабабларидан бири депрессия бўлиши мумкин. Бунга профессионаллар билан учрашувлар ёки ҳаётдаги ўзгаришлар ёрдам беради. Кундалик ҳаётга кўпроқ ранг қўшиш — ёрқин кийим кийиш, дўстлар билан учрашиш, кўнгилочар тадбирларга бориш тавсия этилади. Муҳими депрессия сабабини топиш ва ундан халос бўлиш керак.
Нима дарҳол ҳаётга қайтариши мумкин?
Қаҳва, шакар, энергетик ичимликларни меъорида ичиш энергияни кучайтириши мумкин. Табиийки, уларга вақти-вақти билан мурожаат қилиш яхшироқ.
Машқларни бажариш, ҳаракатда бўлиш, ёқтирган машғулотни бажариш лозим. Муҳими ҳаракатсизликдан қочиш керак. Бу ўз-ўзидан уюқчанликни келтириб чиқаради.
Тоза ҳаво. Танаффус қилиш ва камида беш дақиқа ташқарига чиқиш, тўйиб-тўйиб нафас олиш керак. Бу уйқучанликка қарши курашишда ёрдам беради.
Фаолиятнинг ўзгариши. Монотония — тетикликнинг энг ёмон душмани. Узоқ вақт давомида бир ҳолатда ўтириш, албатта, яхши эмас. Қисқа танаффус қилиш ва организмда қон айланиши учун оддий енгил машқларни бажариш тавсия этилади.
Изоҳ (0)