Қўзиқорин кўпинча тортишув ва чалкашликларга сабаб бўлган маҳсулотдир. Кўпинча у калория таркибидаги ўхшашлик туфайли сабзавотлар билан тенглаштирилади, аммо бу умуман нотўғри. «Новий очаг» нашри қуйида қўзиқорин ҳақда энг сара маълумотлар билан бўлишди.
Қўзиқоринни рационга киритишнинг фойдалари
Қўзиқоринни соғлом овқатланишнинг бир қисми бўлишига имкон берувчи бир нечта омиллар мавжуд. Биринчидан, унда углевод ва калория кам, лекин жуда узоқ вақт ҳазм қилинади, шунинг учун очлик ҳисси узоқ вақт давомида безовта қилмайди. Шунингдек, натрий билан бир қаторда жуда кам ёғни ўз ичига олади. Иккинчидан, қўзиқоринлар организм учун қимматли моддаларга эга: Б витаминлари, клетчатка, микроэлементлар, бир қатор антиоксидантлар ва ҳатто оқсил. Учинчидан, қўзиқорин иммунитет тизимини фаол қўллаб-қувватлайдиган махсус бирикмалар — бета-глюканлар туфайли яллиғланишга қарши таъсирга эга.
Детокс
Қўзиқоринлар организмда хавфли жараёнларнинг ривожланишидан ҳимоя қилади, чунки улар табиий детоксификацияда иштирок этади ва патологик ҳужайраларни йўқ қиладиган иммунитет тизимининг Т-ҳужайралари сонининг кўпайишига ҳисса қўшади.
Касалликдан ҳимоя қилади
Шунингдек, қўзиқорин иммунитетни мустаҳкамлашга ёрдам беради, чунки қўзиқорин миллионлаб йиллар давомида сақланиб қолган табиий муҳити туфайли бактерия ва вирусларга қарши курашади. Қўзиқоринларни рационга мунтазам равишда киритиш юрак-қон томир соғлиғини сақлашга ёрдам беради, бу уларнинг таркибидаги фитонутриэнтларнинг махсус спектри туфайлидир.
B гуруҳи витаминларига бой
Қўзиқорин фойдали моддаларни энергияга самарали айлантирадиган B гуруҳи витаминларига бой. B гуруҳи витаминлари кўпинча нейротрансмиттерларнинг вазифаларини ўз зиммасига олганлиги сабабли, улар жисмоний чидамлиликни, ақлий равшанликни оширишга ва метаболизмни яхшилашга ёрдам беради.
Гўшт ва балиқнинг ўрнини босиши мумкин
Юқорида айтиб ўтилганидек, қўзиқорин доимий тўқлик туйғуси билан таъминлайди, шунинг учун улар вазнни назорат қилишга ёрдам беради. У ҳатто баъзан гўшт ва балиқ ўрнини босиши мумкин. Ҳатто бутунлай паст калория таркибига эга қўзиқорин шўрваси ҳам узоқ вақт давомида тўқлик билан таъминлайди.
Д витамини танқислигини тўлдиради
Бундан ташқари, қўзиқоринлар Д витамини манбаи бўлиб хизмат қилади, чунки улар ультрабинафша нурларини фаол равишда ўзлаштиради ва уни тўқималарида тўплайди. Д витамини ўз навбатида, суякларни мустаҳкамлашга ёрдам беради, чунки усиз кальций сўрилмайди.
Стресс даражасини камайтиради
Қўзиқорин мия фаолиятини яхшилайди, стрессга қарши табиий курашади. Бундан ташқари, стресс инсулиннинг кўпайишига, кейин эса яллиғланишга олиб келади, шунинг учун қўзиқоринлар бу борада жуда фойдали.
Қўзиқориннинг фойдали хусусиятларини сақлаб қолиш учун қандай пишириш керак?
Қўзиқорин пиширишнинг энг фойдали усуллари қуритиш, димлаш ва қайнатишдир. Қуритилган қўзиқоринларда калий, селен ва миснинг юқори концентрацияси сақланиб қолади.
Муҳим огоҳлантириш
Агар ошқозон-ичак тракти билан боғлиқ муаммолар мавжуд бўлса, қўзиқорин истеъмол қилишда эҳтиёт бўлиш керак, чунки у осон ҳазм бўладиган маҳсулот эмас. Бундан ташқари, қўзиқоринларнинг баъзи турлари пуринларни ўз ичига олади ва бу организмида муаммолари бўлган одамларга тавсия этилмайди.
Изоҳ (0)