Футбол бўйича Германия Бундеслигасининг 13-туридан ўрин олган ўйинлар 5 ноябрь, шанба куни бўлиб ўтди.
«Бавария» «Герта» меҳмони бўлди ва 3:2 ҳисобида зафар қучди. Мюнхенликлар таркибида Жамал Мусиала битта гол урган бўлса, Эрик Шупо-Мотинг дубль муаллифига айланди. «Герта» сафида Доди Лукебакио ва Деви Зелькелар ўз ҳисобига гол ёздириб қўйди.
Юлиан Нагелсманн шогирдлари очколарини 28 тага етказиб, биринчи ўринга кўтарилиб олди. «Герта» эса 11 очко билан 14-ўринни банд этди.
«Боруссия Д» ўз майдонида «Бохум»ни қабул қилди. Учрашувнинг 8-дақиқасида Юссуфа Мукоко ҳисобни очди. 12-дақиқада Жованни Рейна пенальтини аниқ амалга ошириб, дортмундликларнинг иккинчи голига муаллифлик қилди. Биринчи бўлим сўнгида Мукоко дублни расмийлаштириб, ҳисобни йирик кўринишга олиб келди.
«Боруссия Д» ушбу ғалабадан сўнг 25 очко билан 3-ўринни банд этди. «Бохум» эса 7 очко билан 17-поғонадан жой олган.
Бундеслига
13-тур баҳси
5 ноябрь, шанба
«Герта» – «Бавария» 2:3
Голлар: 0:1 – 12 Мусиала, 0:2 – 37 Шупо-Мотинг, 0:3 – 38 Шупо-Мотинг, 1:3 – 40 Лукебакио, 2:3 – 45 Зельке (пенальти).«Герта»: Кристенсен, Кенни, Кемпф, Рохел, Платтенхардт (Миттельштедт, 64), Боэтиюс, Тузар (Боатенг, 85), Сердар (Эжуке, 65), Зельке (Канга, 64), Лукебакио, Рихтер (Маолида, 78).
«Бавария»: Нойер, Мазрауи, Упамекано, Павар, Дэвис (Эрнандес, 64), Забитцер, Сане, Горетцка, Киммих, Шупо-Мотинг, Мане (Коман, 64), Гнабри, Мусиала.
«Боруссия Д» – «Бохум» 3:0
Голлар: 1:0 – 8 Мукоко, 2:0 – 12 Рейна (пенальти), 3:0 – 45 Мукоко.«Боруссия Д»: Кобел, Зюле (Пасслак, 67), Ҳуммелс, Шлоттербек, Геррейру (Азар, 78), Брандт, Ўзжан, Рейна (Ройс, 67), Беллингем, Мален (Адееми, 68), Мукоко (Модест, 82).
«Бохум»: Риманн, Гамбоа, Ламбропулос, Ордес, Данило Соарес, Стафилидис, Осеи-Туту (Ҳолтманн, 71), Ферстер, Остерхаге, Лосилла, Штегер, Цоллер (Антви-Аджей, 71), Ҳофманн (Ганвула, 71).
Огоҳлантиришлар: Гамбоа (54), Ўзжан (79).
Изоҳ (0)