Футбол бўйича Ўзбекистон миллий терма жамоаси Россияга қарши ўртоқлик ўйинида иштирок этади. Бу ҳақда ЎФА матбуот хизмати маълум қилди.
Сречко Катанеч қўл остидаги жамоа 13 ноябрь куни Тошкентда йиғинга киришади. Мазкур ФИФА кунларида «оқ бўрилар» иккита ўртоқлик ўйинида иштирок этади.
16 ноябрь куни Қозоғистон терма жамоасига қарши ўйин бўлиб ўтади. 20 ноябрь куни эса Россия терма жамоаси Ўзбекистон билан ўйнайди.
Россияга қарши ўйин «Пахтакор» стадионида бўлиб ўтади. Учрашув 17:00 да бошланади.
Эслатиб ўтамиз, Россиянинг Украинадаги ҳарбий ҳаракатлари сабаб Россия терма жамоаси ФИФА ва УЕФА таснифидаги мусобақаларда четлатилган. Бироқ терма жамоага халқаро ўртоқлик ўйинлари ўтказишга тақиқи қўйилмаган.
Аввалроқ Босния ва Герцеговина терма жамоаси Россияга қарши ўртоқлик ўйини ўтказишдан бош тортганди.
Изоҳ (0)