Баҳрайн қироли Ҳамад бин Иса ал-Халифа ўз мамлакати Россия ва Украина ўртасида воситачилик қилишга тайёрлигини билдирди, деб ёзади «ТАСС» Байрайннинг Москвадаги элчихонасига таяниб.
«Баҳрайн қироли олий ҳазратлари Ҳамад бин Иса ал-Халифа Баҳрайн қироллиги низони тўхтатиш учун Россия ва Украина ўртасида воситачи ролини ўйнашга тайёрлигини тасдиқлайди», — дея қайд этишди элчихонада.
»Шунингдек, Баҳрайн буюк давлатларни кескинлик кучайишига ва зиддиятга йўл қўймасдан, халқаро тинчлик ва хавфсизликни қўллаб-қувватлаш бўйича ўз мажбуриятларини қайта кўриб чиқиш ва қайта бошлашга чақиради», — дея қўшиб қўйишди элчихонада.
30 сентябрь куни Ҳамад бин Иса ал-Халифа Россия президенти Владимир Путин билан телефон орқали музокаралар олиб бориб, икки мамлакат алоқаларини ривожлантиришни муҳокама қилганди. Путин Баҳрайн қиролига Украина билан музокараларга тайёрлигини айтган.
Аввалроқ Саудия Арабистони валиаҳд шаҳзодаси Муҳаммад ибн Салмон ал-Сауд Украина президенти Владимир Зеленский билан телефон орқали мулоқотда можаро томонлари ўртасидаги музокараларда воситачи бўлишга тайёрлигини маълум қилганди.
Мавзуга доир:
- Швейцария Россияда Украина манфаатларига вакиллик қилишни таклиф этди. Россия рад жавоби бериб, у бетараф давлат мақомини йўқотганини маълум қилди
- Қирғизистон Россия ва Украина музокаралари учун майдон ҳозирлашга тайёрлигини билдирди
- «Қозоғистон ҳар қандай ёрдамга тайёр». Тўқаев Украинадаги вазиятга муносабат билдирди
Изоҳ (0)