Дунёдаги энг узун бўйли аёл ҳисобланган Туркия фуқароси умрида биринчи марта йўловчи лайнерига чиқди. Бунинг учун авиакомпания эконом-классдаги олтита ўриндиқни олиб ташлади.
Румеиса Гелгининг бўйи 215,16 см, бундай антропометрик кўрсаткичлар туфайли аёл Гиннеснинг рекордлар китобига кирган. Унинг Шимолий Америка қитъасига парвози 13 соат давом этди.
25 ёшли аёл тез ўсишни келтириб чиқарадиган кам учрайдиган генетик касаллик - Wеавер синдроми туфайли ногиронлар аравачасидан фойдаланишга мажбур. Уни самолёт салонига жойлаштириш учун олтита ўриндиқ ўрнига махсус замбиллар ўрнатилди.
Истанбулдан Сан-Францискога парвоздан сўнг Гелги ўз ҳис-туйғуларини ижтимоий тармоқлардаги обуначилар билан ўртоқлашди, Унинг 20 мингга яқин обуначиси бор.
"Биринчи дақиқадан сўнгги дақиқагача бўлган ажойиб саёҳат. Бу менинг биринчи парвозим эди, лекин, албатта, охиргиси эмас... унда иштирок этган барчага чин дилдан раҳмат", - деб ёзди ижтимоий тармоқдаги энг баланд бўйли аёл.
Гелги дастурий таъминот соҳасида ишлайди ва АҚШда камида олти ой қолишни режалаштирмоқда.
Изоҳ (0)