Bahrayn qiroli Hamad bin Isa al-Xalifa o‘z mamlakati Rossiya va Ukraina o‘rtasida vositachilik qilishga tayyorligini bildirdi, deb yozadi “TASS” Bayraynning Moskvadagi elchixonasiga tayanib.
“Bahrayn qiroli oliy hazratlari Hamad bin Isa al-Xalifa Bahrayn qirolligi nizoni to‘xtatish uchun Rossiya va Ukraina o‘rtasida vositachi rolini o‘ynashga tayyorligini tasdiqlaydi”, — deya qayd etishdi elchixonada.
”Shuningdek, Bahrayn buyuk davlatlarni keskinlik kuchayishiga va ziddiyatga yo‘l qo‘ymasdan, xalqaro tinchlik va xavfsizlikni qo‘llab-quvvatlash bo‘yicha o‘z majburiyatlarini qayta ko‘rib chiqish va qayta boshlashga chaqiradi”, — deya qo‘shib qo‘yishdi elchixonada.
30-sentabr kuni Hamad bin Isa al-Xalifa Rossiya prezidenti Vladimir Putin bilan telefon orqali muzokaralar olib borib, ikki mamlakat aloqalarini rivojlantirishni muhokama qilgandi. Putin Bahrayn qiroliga Ukraina bilan muzokaralarga tayyorligini aytgan.
Avvalroq Saudiya Arabistoni valiahd shahzodasi Muhammad ibn Salmon al-Saud Ukraina prezidenti Vladimir Zelenskiy bilan telefon orqali muloqotda mojaro tomonlari o‘rtasidagi muzokaralarda vositachi bo‘lishga tayyorligini ma’lum qilgandi.
Mavzuga doir:
- Shveysariya Rossiyada Ukraina manfaatlariga vakillik qilishni taklif etdi. Rossiya rad javobi berib, u betaraf davlat maqomini yo‘qotganini ma’lum qildi
- Qirg‘iziston Rossiya va Ukraina muzokaralari uchun maydon hozirlashga tayyorligini bildirdi
- “Qozog‘iston har qanday yordamga tayyor”. To‘qayev Ukrainadagi vaziyatga munosabat bildirdi
Izoh (0)