Сурхондарё вилоятининг Қумқўрғон туманида тиббиёт ходимлари обунага мажбурланаётгани айтилмоқда. Бу ҳақда «Дарё»га хабар берган туман шифокорлари бундан норози бўлмоқда.
Иккинчи масала обуна масаласи бўлиб, ҳар йили бўладиган масала. Ҳар йили сиёсий газеталарга, тиббиёт журналларига обуна бўламиз. Ўшанга бу йил ҳам обуна бўлишимиз керак. Шунга январь ойидан бошлаб ойлигингиздан кесиб-кесиб олинади. Суммасидан хабарингиз бор, шифокорлардан 300 мингдан, ҳамширалардан 70 мингдан ва санитаркалардан 50 минг сўмдан ушлаб қолинади. Тушунтиролдимми? Баъзи бировлар бир ярим «ставка» ишлаяпти, 7-8 миллион сўм ойлик оляпти. 300 минг сўм ҳеч нарса бўлмайди. Муаммо қилманг, — дейди таҳририятга тақдим қилинган аудиоёзувдаги мансабдор.Мурожаатчи шифокорларнинг тушунтиришича, обуна учун шифокорлардан 300 минг сўмдан уч ойга 900 минг сўм, ҳамширалардан 70 минг сўмдан уч ойга 210 минг сўм ва орастабонлардан 50 минг сўмдан 150 минг сўм миқдорида пул олиб қолиниши айтилмоқда.
Йиғилишда сўз олган мутасаддининг айтишича, туман тиббиёт бирлашмасида барча бўлимлар обуна учун пул йиғиб бўлган. Фақат марказий поликлиника ходимлари қолган, холос.
Ҳозир чиқиб ҳамма ариза ёзиб беради. Муаммо қилманг. Ҳаммада хато-камчилик бор. Хатонгизни бўйнингизга қўяётганим йўқ. Индаманг, элга келган тўй, ихтиёрий-мажбурий, — дейди масъул.Тиббиёт мансабдори, шунингдек, барча ходимларини шукрона қилишга чақириб, обуна давлат сиёсати эканини айтади.
300 минг сўм эди, 200 минг сўм эди қандай бераман деманг, тушкунликка тушманг, бу давлат сиёсати, муаммо қилмангда, бажаринг, — дейди мансабдор.
Изоҳ (1)
Natijasini kutib qolamiz
Qashqadaryo harbiylaridan 500-600 ming somdan majburlanyapti
Natijasini kutamiz
Yoki so'rovnoma o'tkazsin obuna kerak yoki kerak emas deb
Menimcha 95-98% odam kerak emas deb o'ylidi